www.USNepalOnline.Com: Nepalese News Live from the capital of the world-New York City

News from Nepal & New York

३ बर्षकी मनिता नयाँ कुमारी देवी यसरी बनिन्

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

काठमाण्डौं, October 8, 2008- नियुक्त भएको भोलिपल्टैदेखि नयाँ कुमारी मनिता शाक्य स्थानीयवासीहरुलाई टीका लगाईदिन र आशिक दिने कार्यमा व्यस्त भएकी छन् ।

निवर्तमान कुमारी प्रीति शाक्यले मंगलबार अवकास पाएपछि नयाँ कुमारी मनितालाई मंगलबार हनुमानढोकास्थित कुमारी घरमा भित्र्याइएको थियो । नयाँ कुमारीलाई भित्र्याइएपछि निवर्तमान कुमारी प्रीति गहभरी आँसु झार्दै कुमारी घरबाट बाहिरिएकी थिइन् ।

विभिन्न टोलका १८ जना शाक्य थरका अविवाहित बालिकामध्येबाट मनिता ३ महिनाअघि कुमारीमा छनौट भएकी थिइन् । यसअघिकी कुमारी प्रीति शाक्य २०५८ मा कुमारी बनेकी थिइन् । कुमारी घरमा प्रवेश गर्ने मिति नजिकिएपछि गत आइतबार राष्ट्रपति रामबरण यादवले नयाँ कुमारीलाई भेट दिई कुमारीको रुपमा राज्यले स्वीकार गरेको जानकारी दिएका थिए ।

कुमारीलाई जीवित देवीको रुपमा स्वीकार गर्ने परम्परा छ । यसअघि राजाले नयाँ कुमारीलाई यसरी भेट दिने गरेका थिए । गणतन्त्रको स्थापना भएपछि राष्ट्राध्यक्षको रुपमा रहेका राष्ट्रपतिले कुमारीलाई मान्यता दिएको यो पहिलो पटक हो । नयाँ कुमारी मनिता ३ बर्षकी छिन् । भर्खर नस्ररीमा पढ्दै गरेकी उनी अब कुमारी घरमै बसेर आफ्नो पढाईलाई निरन्तरता दिनेछिन् ।

बालकालमै कुमारी बनेका कुमारीको उमेर बढ्दै गएपछि रजस्वला हुनुअगावै नयाँ कुमारी छनोट गरिने प्रचलन छ । यसअघि दरवारका राजज्योतिषले कुमारीको उम्मेदवार बनेका बालिकामध्येको चिना हेरेर कुमारीको छनोट गर्ने गरेका थिए । कुमारी चयन गरिएपछि पनि दरबारले कुमारीसम्बन्धी केही दायित्व आफुले लिने गरेको थियो ।

पृथ्वीनारायण शाहकै पालादेखि नयाँ कुमारीका लागि आवश्यक पर्ने कपडाको सेटै दरबारबाट जाने गरेको थियो । कुमारीका अलावा 'भैरव' र 'गणेश' बन्ने नयाँ बालकलाई पनि दरबारले कपडा पठाइदिने गर्थ्यो । नेवार राज्य कान्तिपुरमाथि पृथ्वीनारायण शाहले आक्रमण गरेपछि यहाँका स्थानीयवासी आफूहरुविरुद्ध असन्तुष्ट नहोउन् भनेर उनलेपनि यो परम्परालाई कायमै राखेका थिए ।

नयाँ कुमारी, गणेश र भैरवहरुलाई चढाउने असर्फीसमेत दरबारले नै उपलब्ध गराउँथ्यो । 'कुमारी स्कुल जान नहुने भएकाले उनलाई पढाउन कुमारी मन्दिरमै एक जना शिक्षकको व्यवस्था गरिँदै आएको थियो, त्यसको खर्चसमेत दरबारले व्यहोर्दै आएको थियो । कुमारीको शिक्षा-दीक्षाको व्यवस्था गर्न नारायणहिटीबाट गत सालसम्म वार्षिक ७६ हजार रुपैयाँ दिने गरिएको थियो ।

Kumari Manita. Photo courtesy: AFP

हाल राजतन्त्रको अन्त्य भैसकेकाले दरवारले निर्वाह गर्दै आएको कुमारी सम्बन्धी दायित्व नेपाल सरकारले व्यहोर्ने भएको छ । अघिल्लो साता इन्द्रजात्रा र कुमारीको रथ तान्ने क्रममा सरकारले उपलब्ध गराउने राँगोको रकमसम्बन्धी विवादले उग्ररुप लिएपछि सरकारले कुमारीसम्बन्धी दरवारका दायित्व आफुले लिने निर्णय गरेको बताइएको छ ।

Former Kumari Preety Shakya. Photo courtesy: mchang.net

कुमारीको दर्शन गर्न र उनीबाट टीका ग्रहण गर्न कुमारी घर अगाडि सर्बसाधारणको लाइन । Photo: Sitaram

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»