www.USNepalOnline.Com: News from your web home at the capital of the world-New York City

Local: Kathmandu:

News from your web home at the capital of the world-New York City
विश्वको राजधानी शहर न्युयोर्कबाट नेपाली खबरहरु

News from South Korea: नेपाली खबरहरु

कोरिया जाने नेपालीहरु कुटिने र लुटिने क्रम बढ्‍दै छ
दुई देश बिच को सम्झौता (ईपीएस) प्रणालि जहरीलो बिष साबित
कोरियाबाट, युएनओ डट्कमका बिशेष सहयोगी-डम्बर सुब्बा
कोरिया, February 2, 2008 -केहि दिन अघि मधुमेह रोगले ग्रस्त नेपाली नागरिकलाई नेपाली दुतावासको स्वीकृतिमा हातमा हातकडी लगाएर आंखा र मुखमा पट्टी बांघेर फ्रिजको गाडीमा हालेर जवरजस्ति अमानवीय तरिकाले नेपाल फर्काउने कार्य भयो । कोरियामा ९० (नब्बे) जनाभन्दा बढी नेपालीहरुले ज्यान गुमाई सकेका छन । ५० (पचास) जना भन्दा बढी नेपालीहरु दुर्घटनामा परी अपाङ्ग भएका छन्‌ । ५०० (पाँच सय) भन्दा बढी नेपालीहरुले तलब नपाएर लाचार भई रहेका छन्‌।

४ (चार) बर्ष अघी दुई देश नेपाल श्रम मन्त्रालय र कोरियन श्रम मन्त्रालय बीच भएको श्रमिक सम्झौता (ईपीएस) को एम.ओ.यु.मा भएको हस्ताक्षर पश्चात नियमकानून भन्दा बाहिरीएर अमानविय तवरमा भई रहेको दुई देशको सांठ गांठको व्यवहारले कोरियाका मजदुर, सामाजिक र धार्मिक संघ संस्थाहरुले आपत्ति जनाउन थालि सकेका छन्‌ ।

केहि दिन अघि मधुमेह रोगले ग्रस्त नेपाली नागरिकलाई नेपाली दुतावासको स्वीकृतिमा हातमा हातकडी लगाएर आंखा र मुखमा पट्टी बांघेर फ्रिजको गाडीमा हालेर जवरजस्ति अमानवीय तरिकाले नेपाल फर्काउने कार्य भयो । एक महिना अघि प्रवासी मजदुर युनियनका अध्यक्ष काजिमान खापुङ र उपाध्यक्ष राजु गुरुङलाई पनि नेपाली दुतावासकै स्वीकृतीमा नेपाल फर्काउने कार्य भयो । यस्तो कार्य किन भई रहेको छ ?

अर्को तर्फ नेपालको नै कुरा गरौं । नेपालको वैदेशिक रोजगार ऐनको संसोधन गरेर श्रम मन्त्रालयका वरिष्ट दलालहरु नेपाली श्रमिकहरुको श्रम र पसिना विकसित मुलुकहरुमा खुलेआम तरिकाले बेचेर आफनो गोजी भर्नमा व्यस्त छन । कोरियन भाषा सिक्ने विधार्थीहरुको संख्या नेपालमा एक लाखको हाराहारिमा पुगि सकेको छ । कोरियन भाषा सिकाउने ईन्स्टिच्युट दुई सय भन्दा बढी भई सकेको छ । सो ईन्स्टिच्युटहरुमा पढाउने शिक्षकहरु तीस प्रतिशत मात्र सक्षम रहेको नेपालमा गएर आउने कोरियनहरुले बताउने गर्छन । बांकी सबै शिक्षकहरु अशक्षमहरु नै छन । विधार्थीलाई पढाउने शिक्षक आफै अशक्षम छन भने विधार्थीको हालत कस्तो होला ? कोरियाको क्याम्पसमा पढ्ने नेपाली विधार्थीहरुको सर्टिफिकेट नेपालमा एक लाखको दरले खुलेआम बिक्री भई रहेको छ । त्यसको अनुसन्धान र नियन्त्रण गर्नमा श्रम मन्त्रालयका वरिष्ट दलालहरुको ध्यान पुग्न नसकेको हो या त ध्यान दिन नचाहेको हो यो पनि रहस्यमय भई रहेको छ ।

दक्षिण कोरियामा ईपीएस असफल भई सकेको कोरियन मानव अधिकारवादीहरुले बताई सकेका छन्‌ । गत चार बर्ष देखि लागु भएको ईपीएसबाट आउने विदेशी मजदुरहरु मध्ये ६० (साठी) प्रतिशत अवैधानिक भई सकेका छन्‌ । कम्पनीहरुको मनोमानी मात्र नभएर हजारौ विदेशी मजदुरहरुको तलब दिन सकेका छैन । हजारौ व्यक्तिहरु घाईते, अपाङ्ग भएर पनि उपयुक्त क्षतिपुर्ति पाउन सकेको छैनन । कम्पनीका मालिक एवम् कामदारहरुले विदेशी मजदुरहरुलाई अभद्र गाली तथा कुटपिट गरेमा उचित कानुनी व्यवस्था छैन । उजुरी गर्ने वित्तिकै सो विदेशी मजदुरहरु अवैधानिक हुने या त स्वदेश फिर्ता हुनु पर्ने बाध्यता छ ।

नेपाली दूतावासका नव नियुक्त नेपाली राजदूत कमल प्रसाद कोईरालाले खुलेआम रुपमा कोरियामा मजदूरहरु थ्रि डी (Dirty, Dangerous, Difficult = फोहोरी, खतरा र कठिन) काम गर्देछन भन्नु उचित होईन भनेर ईपीएसको प्रचार प्रसार गरि रहेका छन । राष्ट्रहितका गुनगान गरि रहेका छन । नव नियुक्त नेपाली राजदूत कमल प्रसाद कोईरालालाई के थाहा कोरियामा ९० (नब्बे) जनाभन्दा बढी नेपालीहरुले ज्यान गुमाई सकेका छन । ५० (पचास) जनाभन्दा बढी नेपालीहरु दुर्घटनामा परी अपाङ्ग भएका छन्‌ । ५०० (पाँच सय) भन्दा बढी नेपालीहरुले तलब नपाएर लाचार भई रहेका छन्‌ । तर राष्ट्र भनेको नै जनता हो भन्ने बिर्सि रहेका छन्‌ । ईपीएस प्रणाली कोटा सिस्टम होईन कम्पनीको चाहना हो । ईपीएस लागु भएको ४ (चार) बर्ष भयो तर ईपीएसबाट कोरियामा काम गर्न आउने विदेशी मजदुरहरुको संख्या एकदमै न्यून रहेको छ ।

कोरियन सरकारले चाईना, रसिया आदीमा रहेका आफनो पुस्ताहरुलाई बढी ग्राहता दिएको छ । आफनो पुस्ताहरु घुम्न आउनेहरुलाई पनि काम गर्ने कानुनी अधिकार दिएको छ । कम्पनीको अन्य विदेशी मजदुरहरु राख्ने चाहना हुदा हुदै पनि सरकारले आफनै पुस्ताहरुलाई रोजगार दिने अभियान चलाई रहेको छ । दक्षिण कोरिया सरकार ईपीएस लागु गर्नु भनेको त दक्षिण कोरियामा रहेको अवैधानिक विदेशी मजदुरहरु हटाउनु हो र दक्षिण कोरियाको भाषा र संस्कृति अन्य गरिब राष्ट्रहरुमा विस्तार गर्नु मात्र हो । यस्तो रणनिती नेपाल सरकारले बुझन सकेको छैन । जुन रणनितीमा मुछिंदै गएमा नेपालीहरुको लागि ईपीएस जहरीलो बिष हुन सक्छ । त्यसको सम्पूर्ण जिम्मेवार नेपाल सरकारले लिनु पर्छ ।

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»

Advertise With Us | Affiliate | Terms of Service | Disclaimer | Privacy Policy | Copyright/IP Policy | RSS | FAQ
Copyright © 2007-8 USNepalOnline.Com. All rights are reserved. URLs: USNepalOnline.Com, USANepalOnline.Com, AjakoAwaj.Com
a media initiative of Global Federation of Indigenous People of Nepal, USA (GFIPN)
Questions & queries? Write us at: feedback@usnepalonline.com. Developed by eEyeElements®