लहान, 3 Feb, 09- नेपालजपान डट कमका पत्रकारद्वय शुभक महतो र विरेन्द्र
केएमलाई दूई दिनदेखि काठमाण्डौंबाट वेपता पारेपनि हालसम्म कुनै निकायले
आवाज नउठाएकोले सिरहाका पत्रकारहरु आक्रोशित भएका छन् ।
नेपाल पत्रकार महासंघ सिरकाका पूर्व अध्यक्ष तथा मधेश मिडिया मिशनका
सल्लाहकार विजयप्रसाद मिश्रले हाम्रा पत्रकारको खोजतलास गरिदिनको लागि मानव
संचारआबद्ध संघ संस्थाका नेतृत्वपंक्ति र मानवअधिकारकर्मीलाई वारम्वार
ताकेता गर्दा पनि कुनै चासो नलिएको बताउंदै पत्रकारद्वयको अवस्था यथाशिघ्र
सार्वजनिक गर्न सरकारसंग माग गर्दछु बताउंएका छन् ।
यता नेपाल पत्रकार महासंघ सिरहा शाखाले वेपता पारिएका द्वय पत्रकार महतो र
केएमलाई यथाशिघ्र सार्वजनिक गर्न जोडदार माग गरेको छ ।
पत्रकारद्वय महतो र केएमलाई काठमाण्डौंबाट प्रहरीले वेपता पारेको आशंका
गरिएकोछ । पत्रकारद्वयलाई खोज्न कान्तिपुरका जितेन्द्र साह र पत्रकार सहदेव
कार्की हनुमान ढोका पुग्दा कुनै पत्रकारलाई पक्राउ गरेर नल्याएको दावी
प्रहरीले गरेको छ। । उता विशेष स्रोतका अनुसार पत्रकार महतो र केएमलाई
प्रहरी कार्यालय हनुमान ढोकामै राखएिको दावी गरिएको छ ।
पत्रकार शुभक महतो सिरहा जिल्लावासी हुन् भने अर्का पत्रकार विरेन्द्र केएम
सुनसरी निवासी हुन् ।