Updated on 26 Jan, 2009
काठमाण्डौ, 25 Jan, 09- पत्रकार उमा सिंहको तेर्हौं पुन्यतिथि
सकिएलगत्तै प्रहरीले हत्या आशंकामा उनकी भाउजु ललितादेवी र भदा अभिशेष
प्रक्राउ परेका छन् । प्रहरीले उनीहरुलाई माघ ११ गते साँझ पक्राउ गरेको हो
।
जनकपुरबाट आएको टोलीले सिरहा प्रहरीको सहयोगमा उमाकी २७ वर्षीया भाउजु
ललितादेवी सिंह र १८ वर्षीय भदा अभिशेष सिंहलाई पक्राउ गरी जनकपुरतर्फ
लगेको छ ।
सिरहाको गम्हरिया महेशपुरमा रहेको घरबाट भाउजु र भदालाई प्रहरीले आइतवार
नियन्त्रणमा लिएको हो । १४ दिन अघि भएको उमाको निर्मम र विभत्स हत्यापछि
भदाहा अभिेशषले नै उमाको शबमा दागबत्ती दिएका थिए ।
ललितादेवीकी श्रीमान र उमाकी बुवाको अवस्था अझै अज्ञात रहेको छ । घट्नाक्रम
हेर्दा पत्रकार उमाको हत्यामा आफ्नै पारिवारिक संलग्नता रहेको हुन सक्ने
एकाथरीको आशंका रहेको छ ।
प्रहरीले उनीहरुसँगै उमाका आमा सुशीलादेवी सिंह र दिदीलाईसमेत लगेको
बताइएको छ ।
हत्याको दोष सुरुमा माओवादीलाई लगाइएपनि आमा सुशीलादेवीले बुहारी ललिताको
संलग्नता रहेको बताएकी थिइन् ।
त्यसपछि प्रहरीले अनुसन्धानको तीर ललितातर्फ सोझ्याएको थियो । त्यसै अनुसार
प्रहरीले स्व. उमाको काजकृया भैरहेको सिरहा महेशपुरस्थित घरमा निगरानी
बढाएको थियो । काजकृया सकिएलगत्तै प्रहरीले भाउजुलाई पक्राउ परेकी हुन् ।
प्रहरीले यसअघि उमाको हत्याको आरोपमा माओवादी कार्यकर्ता श्रवण यादव,
जनकपुरका विमलेश झा र तराई एकता परिषद्का धनुषा संयोजक नेमलाल पासवानलाई
पक्राउ गरिसकेको छ ।
उमाको हत्यारालाई कारवाहीको माग राखेर नेपाल पत्रकार महासंघले आव्हान गरेको
आन्दोलन जारी रहेको छ ।