www.USNepalOnline.Com: Nepalese News Live from the capital of the world-New York City

News from Nepal & New York

पूर्व राजावादीहरुबीच माओवादी हुने होड

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

भारतीय राजदूत सुदले ज्ञानेन्द्रसँग यताका कुरा उता र उताका कुरा यता किन गर्दै छैन् ?

काठमाण्डौं, December 26, 2008- नेपालस्थित भारतीय राजदूत राकेश सुद साँच्चिकै कुटनीतिज्ञ हुन् वा यताको सूचना उता र उताको सूचना यता ल्याउने हुलाकी हुन् बुझ्न कठिन हुँदै गएको छ ।

यतै हप्ता नागरिक समाजका अगुवाहरुसँग प्रधानमन्त्री पुष्पकमल दाहाल 'प्रचण्ड' को भेटमा र बुधबार प्रधानमन्त्रीले बुटवलमा भएको एक कार्यक्रममा व्यक्त गरेको धारणापछि राजदूत सुदको भूमिकाबारे प्रश्नचिन्ह उठेको हो ।

यसैहप्ता नागरिक समाजका अगुवा डा. देबेन्द्रराज पाण्डेलगायतले प्रधानमन्त्री प्रचण्डलाई भेटेका थिए । भेटका क्रममा पाण्डेलगायतले माओवादीले बिगतका मण्डले र राजावादीहरुको ओइरो लागेको र माओवादीले उनीहरुलाई 'फिल्टर' नगरी पार्टी प्रबेश गराएकोमा असन्तुष्टि ब्यक्त गरेका थिए । यस सम्बन्धमा प्रधानमन्त्री प्रचण्डको जवाफ रोचक र रमाइलो थियो ।

प्रधानमन्त्री प्रचण्डले नागरिक समाजका अगुवाहरुसँग सहमति जनाउँदै भने- 'तपाईंहरुको कुरा सही हो, हालै भारतीय राजदूत सुदले पूर्व राजा ज्ञानेन्द्रलाई भेटेका रहेछन् । उनले मलाई भने अनुसार ज्ञानेन्द्र हिजोको आफ्ना सबैजसो सहयोगीहरु माओवादी भएको बताएका रहेछन् ।'

पुष ९ गते बुटबलमा आयोजित औद्योगिक व्यापार मेला एबं कृषि एबं पर्यटन प्रबद्र्धन महोत्सबको उद्घाटनका अवसरमा सम्बोधन गर्दै प्रचण्डले यही कुरा दोहोर्याएका छन् ।

बुटवलमा आयोजित कार्यक्रममा पूर्व राजा ज्ञानेन्द्रले राजदूत सुदलाई उपरोक्त कुरा भनेको प्रसङ्ग दोहोर्याउँदै प्रचण्डले भनेका छन्- 'के ज्ञानेन्द्रले आफ्ना मान्छेलाई तिमीहरु माओवादी भन्दा अझै बढि अराजक भएर बिध्वंस गर भन्दै त पठाएका छैनन् यस कुरामा मलाई शंका र डर दुबै लागेको छ ।' उग्रक्रान्ति र प्रतिक्रान्तिद्धारा पूर्व राजाले माओवादीलाई बदनाम गर्न खोजेको शंका प्रचण्डले गरेका छन् ।

केही समययता पूर्व राजावादीहरुबीच माओवादी हुने होड चलेको छ । हिजो राजाको पक्षमा रहेका समाजका केही बदनाम व्यक्तिहरुले माओवादी बनेर माओवादीकै बदनाम गरिरहेका छन् । यसबारेमा स्वयं माओवादी पार्टीभित्रैपनि कुरा उठ्न थालेको छ । माओवादीका शुभेच्छुकहरुले यसतर्फ माओवादी नेतृत्वलाई सजग गराउँदै आएका छन् ।

फोटो- भारतीय राजदूत राकेश सुद Photo: Sitaram

पार्टीभित्रबाट र बाहिरबाट माओवादीमा प्रवेश गरेका राजावादीहरुले माओवादीको बदनाम गराउन थालेपछि प्रचण्डले राजदूत सुदलाई पूर्व राजा ज्ञानेन्द्रले भनेका उपरोक्त कुराहरुबारे बताएका हुन् । यसले राजदूत सुदले यताका कुरा उता र उताका कुरा यता लगाउने रहेछन् भन्ने कुरासमेत पुष्टि गरेको छ । राजदूत सुदले कतै राजासँग भएका 'गोप्य कुरा' प्रचण्डलाई सुनाएजस्तै प्रचण्डसँग भएका गोप्य कुरापनि पूर्व राजालाई सुनाउने गरेका त छैनन् ?

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»