www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

जनताले अस्वीकार गरेकाहरुको देशमा हाली मुहाली कतिसम्म?

काठमाडौं, September 2, 2008- गणतान्त्रिक नयाँ नेपालको पहिलो मन्त्री मण्डलको निर्माण जनताबाट अस्वीकृत भएकाहरुलाई समावेश गरेर भएको छ ।

मन्त्री मण्डलमा तीन जना गत संविधान सभा निर्वाचनमा जनताले अस्वीकार गरेकाहरु छन् । ती मध्ये दुई जना एमालेबाट छन् भने एक जना नेकपा संयुक्त का छन् ।

संविधान सभा चुनावमा सबैभन्दा बढि जनताको भोट ल्याएका माओवादी नेता डा. बाबुराम भट्टराई मन्त्री मण्डलमा तेश्रो मर्यादाक्रममा राखिएका छन् भने लगातार दुई दुई निर्वाचनमा जनताले अस्वीकार गरेका एमालेका बामदेब गोतमलाई उपप्रधानमन्त्री तथा गृहमन्त्रालयको जिम्मेवारी दिइएको छ ।

गौतम २०५६ को निर्वाचनमा बर्दिया-१ र काठमाडौं- १ बाटपनि पराजित भएका थिए । २०५६ मा मात्र होइन उनी २०६४ को संविधान सभा निर्वाचनमापनि बर्दिया- १ बाटै पराजित बनेका थिए । उता डा. भट्टराई भने गोर्खा- २ बाट नेपाल भरमै सर्वाधिक मत ल्याएर बिजयी बनेका थिए ।

तर दुई दुई निर्वाचनमा सर्मनाक पराजय भोगेका गौतम अहिले उपप्रधानमन्त्री भएका छन् । उनलाई प्रधानमन्त्रीपछिको दोश्रो मर्यादाक्रम दिइएको छ । प्रधानमन्त्री नभएका बेला उनी कार्यबाहक प्रधानमन्त्रीसमेत हुनेछन् । जनताबाट अस्वीकृत व्यक्तिलाई कुनै दिन जनताले कार्यबाहक प्रधानमन्त्रीको रुपमा देख्नुपर्नेछ ।

एमालेले सरकारको नेतृत्व गर्दै पठाएका गौतममात्र होइन अष्टलक्ष्मी शाक्यपनि जनताबाट अस्वीकृत अनुहार हुन् । उनी संविधान सभा निर्वाचनमा काठमाडौं- ८ बाट पराजित भएकी थिइन् । उनलाई एमालेले उपराष्ट्रपतिमापनि उम्मेदवार बनाएको थियो । जम्मा २ मत ल्याएर उनी उपराष्ट्रपतिमापनि पराजित भइन् ।

सरकारमा नेकपा संयुक्त पनि सामेल भएको छ । संविधान सभामा सो दलका तर्फबाट ५ जना छन् । तर सो दललेपनि संविधान सभा निर्वाचनमा पराजित अनुहारलाई मन्त्री मण्डलमा पठाएको छ । धनुषा- ४ मा जम्मा २ सय ४४ मत ल्याएका गणेश शाह सो दलको तर्फबाट विज्ञान तथा प्रविधि मन्त्री नियुक्त भएका छन् ।

जानकारी अनुसार, एमालेको तर्फबाट राज्यमन्त्रीको रुपमा अरु केही नेतालेपनि स्थान पाउने भएका छन् । कर्णाली र सेतीबाट प्रतिनिधित्व हुने गरी एमालेले क्रमशः डिल्लीबहादुर महत र भानुभक्त जैसीलाई पठाउने सम्भावना छ । त्यसो भएमा फेरि अर्का एकजना पराजित अनुहार मन्त्री मण्डलमा पुग्नेछन् । किनभने महत जुम्लाबाट पराजित भएका हुन् ।

त्यसो त यो नेपाल हो जहाँ मधेश र पहाडमा गरी दुई दुई निर्वाचन क्षेत्रबाट पराजित माधव नेपाललाई राष्ट्रपति जस्तो देशको सर्बोच्च पदमा उठाउनकालागि प्रस्ताव ल्याउने कामसमेत भयो । जब देशको सर्बोच्च पदमा जनताबाट अस्वीकृतहरुलाई ल्याउने कसरतसम्म हुन्छ भने मन्त्री मण्डलमा जनताबाट पराजितहरुलाई लगिनु के ठूलो कुरा भयो र ?

-Vivek Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»