www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

'म संबिधानलाई पूर्णता दिन नर्कमा जान पनि तयार छु ।'-नेकाँ सभापति कोइराला

काठमाण्डौं, November 23, 2008- माओवादीसँग क्रुद्ध नेपाली काँग्रेस सभापति गिरीजाप्रसाद कोइरालाले सेनालाई राजनीतिकरण हुनदिनबाट जोगाउन सेना समायोजन हुनै नदिने बताएका छन् ।

मंसीर ७ गते नेपालगन्‍जमा नेपाली कांग्रेसद्धारा आयोजित आमसभामा बोल्दै सभापति कोइरालाले उपरोक्त कुरा बताएका हुन् । कोइरालाको यो उद्घोषपछि चिसिदै गएको माओवादी- कांग्रेसबीचको सम्बन्धमा थप चिसोपना आउने देखिएको छ ।

माओवादीले हत्या-िहंसा जारी राखेको बताउँदै कोइरालाले भने- 'यस्तै हुँदै जाने हो भने म माओवादी लडाकूलाई नेपाली सेनामा समायोजन हुन दिन्न ।' पछिल्लो समय नेपाली कांग्रेसभित्र सेना समायोजनका विषयमा मतभेद देिखंदै आएको छ ।

सेना समायोजनसम्बन्धी प्रावधान भएको बृहद् शान्ति सम्झौतामा कोइरालाले तत्कालिन प्रधानमन्त्री र नेपाली कांग्रेसका सभापतिको हैसियतले हस्ताक्षर गरेपनि कोइराला पछिल्लो समयमा आफैले गरेको हस्ताक्षर विपरित समायोजनका विपक्षमा उभिएका छन् ।

कावा सभापति सुशील कोइराला, छोरी सुजाता कोइराला, पूर्व सहमहामन्त्री गोबिन्दराज जोशी लगायतका नेताहरु कुनैपनि हालतमा सेना समायोजन हुनै नदिने पंक्तिमा उभिएका छन् । कावा सभापति सुशील कोइरालाले त सेना समायोजन भए नेपाली कांग्रेसलेपनि बिद्रोह गर्ने चेतावनी दिइरहेका छन् ।

उता नेपाली कांग्रेस आफैले सेना समायोजनसम्बन्धी प्रावधानमा हस्ताक्षर गरेकाले व्यक्तिगत योग्यता र क्षमताका आधारमा माओवादी लडाकूलाई नेपाली सेनामा समायोजन गरिनुपर्ने अर्काे धारणपनि नेपाली कांग्रेसभित्र छ जसको नेतृत्व उपसभापति रामचन्द्र पौडेल, सहमहामन्त्री अर्जुननरिसंह केसीलगायतका नेताहरुले गरिरहेका छन् ।

यसरी कांग्रेसभित्रै माओवादी सेना समायोजनका सम्बन्धमा दुई धार देखा परिरहेका बेला सभापति कोइरालाले सेना समायोजन हुनै नदिने उद्घोष गरेका हुन् । नेपालगन्‍जमा आयोजित सभामा कोइरालाले भनेका छन्- 'माओवादी लडाकूलाई सेनामा समायोजन गरिए सेनाभित्र राजनीतिकरण बढ्छ त्यसैले कुनैपनि हालतमा समायोजन हुन दिनेछैन ।'

नेकाँ सभापति कोइरालाले माओवादीले सहमतिको संस्कार तोडेकोले बिगतका सम्झौताहरुको औचित्य सकिएको बताएका छन् । प्रेस युनियन बाँकेले मंसिर ८ गते माओजना गरेको पत्रकार सम्मेलनमा बोल्दै उनले माओवादीले आफ्नो अनुकुल अनुसार सहमतिको कुरा गर्ने तर कार्यान्बयन भने नगरेको आरोप लगाए ।
सेना समायोजन बिशेष समितिमा बस्न सरकारले अहिलेसम्म औपचारीक आग्रह नगरेको भन्दै कोइरालाले औपचारीक आग्रह गरे त्यसबारे सोंच्न सकिने उल्लेख गरे । सरकार ढाल्ने योजनामा काँग्रेस नरहेको र त्यसतर्फ सोंच्ने फुस्रद समेत नभएको बताउँदै उनले माओवादीले भने जसरी सेना समायोजन कुनै पनि हालतमा हुन नदिने भनाई राखे । माओवादीको व्यवहार अझै नसुधि्रएको तथा सेनामा राजनितिकरण गर्न नहुने भन्दै सेना समायोजन गर्न नदिने उनकॊ भनाई थियो ।

सेना समायोजन नभए शान्ति प्रकृया कसरी निष्कर्षमा पुग्छ त? भन्ने पत्रकारहरुको जिज्ञासामा कोइरालाको जवाफ थियो - 'संबिधान लेखेपछि शान्ति प्रकृया आफै निष्कर्ष पुग्छ म संबिधानलाई पूर्णता दिन नर्कमा जान पनि तयार छु ।'

-Sitaram Baral & Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»