www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

एमालेमा रहेका अहिले माओवादी बनेका भ्रष्ट निर्देशक कार्वाहीमा

काठमाण्डौं, October 14, 2008-नेकपा माओवादी ले आफ्नै पार्टीभित्रका एक भ्रष्ट आचरणका व्यक्तिमाथि निर्मम कार्वाही गरेको छ । घुष खाएर पार्टीलाई बदनाम गर्न खोजेको भन्दै माओवादीले अन्तर्राष्ट्रिय सम्मेलन केन्द्रका कार्यकारी निर्देशक पूर्णमान तपोलमाथि निस्कासनको कार्वाही गरेको हो ।

आवास तथा भौतिक योजना मन्त्रालय अन्तर्गत रहेको सम्मेलन केन्द्रमा उनलाई यसअघिको सरकारमा आवास तथा भौतिक योजना मन्त्री रहेकी हिसिला यमीले राजनीतिक नियुक्ति दिएकी थिइन् ।

जानकारीअनुसार सम्मेलन केन्द्रका कर्मचारी स्थायी गर्नकालागि भन्दै तपोलले लिखित र मौखिक परीक्षा लिएका थिए । जम्मा ७८ जना कर्मचारीसँग परीक्षा लिइएको थियो । आफूलाई रकम दिए स्थायी गराइदिने भन्दै उनले प्रतिव्यक्ति ५० हजारदेखि १ लाख ५० हजारसम्म रकम उठाएका थिए । करिव २० जनासँग यसरी उनले रकम उठाएको बताइएको छ । पीडितहरुले यससम्बन्धी उजुरी माओवादीमा परेपछि माओवादीको काठमाडौं जिल्ला सगठन समितिले आन्तरिक छानविन सुरु गरेको थियो ।

छानविनको क्रममा तपोलले स्थायी गरिदिने बहानामा लाखौं रुपैयाँ उठाएको पुष्टि भएपछि माओवादीले आत्मालोचना गर्न, उठाएको रकम पीडितहरुलाई फिर्ता गर्न तथा सम्मेलन केन्द्रको निर्देशक पदबाट राजिनामा दिन निर्देशन दिएको थियो । निर्देशन मान्नुको बदला उनी सम्पर्कमा नै आउन छाडेको, सबै पीडितहरुबाट उठाएको रकम फिर्ता नगरेको र राजिनामासमेत भन्दै माओवादीले उनलाई कार्वाही गरेको हो ।

तपोलले राष्ट्र, जनता र पार्टीप्रति गद्धारी गरेको आरोप माओवादीका काठमाडौं जिल्ला सेक्रेटरी पवनमान श्रेष्ठ 'प्रभाकिरण' ले लगाएका छन् । यसअघि एमालेमा रहेका तपोल लोकतान्त्रिक आन्दोलनको सफलतासँगै माओवादीमा प्रवेश गरी सम्मेलन केन्द्रको निर्देशक बनेका थिए । उनले केही बर्षअघि शाही नेपाल बायुसेवा निगमको अधिकृत पदबाट अवकास पाएका थिए ।

माओवादीको काठमाडौं जिल्ला संगठन समितिलॆ तपोलमाथि भ्रष्टाचारको आरोपमा कार्वाही गर्न सरकार तथा प्रशासनसँग माग गर्दै यसकालागि जस्तो सुकै सहयोग गर्नपनि आफू तैयार रहेको बताएको छ । साथै उसले राजनीतिक नियुक्तिका आडमा भ्रष्टाचार गर्ने जोसुकै माथिपनि आफ्नो तर्फबाट कार्वाही हुने चेतावनी दिएको छ।

आफैभित्रका भ्रष्टाचारीको पहिचान गरी कार्वाही गरिनुलाई राजनीतिक बृत्तमा सकरात्मक रुपमा लिइएको छ । यो घटनाले भ्रष्टाचारीहरु जुनसुकै पार्टीमापनि हुने रहेछन् भन्ने कुरापनि देखिएको छ । यद्यपी आफूभित्रका भ्रष्टाचारीको पहिचान गरी त्यस्ता भ्रष्टाचारीमाथि निर्मम कार्वाही हुनेछ भन्ने सन्देश माओवादीले तपोलमाथिको कार्वाहीबाट दिन खोजेको छ । के माओवादीले अन्य भ्रष्टाचारीहरुकोपनि पहिचान गरी यसैगरी कार्वाही गर्ला त?

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»