www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

पूर्व राजा ज्ञानेन्द्रको स्वदेश 'फिर्ती सवारी'

काठमाण्डौं, 26 Mar, 09- आफ्ना नातेदारको विवाहमा भाग लिन भारत गएका पूर्व राजा ज्ञानेन्द्र भारतका महत्वपूर्ण नेताहरुसँग वार्तासमेत गरेर बुधबार स्वदेश फर्किएका छन् ।

उनी गत फागुन १४ गते भारतको भोपालमा आयोजित एक विवाह समारोहमा भागलिन त्यसतर्फ लागेका थिए । स्वदेश फर्कदा उनले त्रिभुवन विमानस्थलमा पत्रकारहरुलाई आफ्नो भारत भ्रमण र राजनीतिक विषयबस्तुबारे कुनै प्रतिकृया दिएनन् ।

उनको आगमन हुने खवर प्राप्त भएपछि दर्जनौं पत्रकारहरु त्रिभुवन अन्तर्राष्ट्रिय विमानस्थल पुगेका थिए । तर सुरक्षाकर्मीहरुले उनीहरुलाई पूर्व राजाको नजिकसम्म पुग्न दिएनन् । कडा सुरक्षा घेराभित्र राखेर सुरक्षाकर्मीहरुले उनलाई विमानस्थलबाट उनी चढ्ने गाडीसम्म पुर्याएका थिए । उनको स्वागतकालागि विमानस्थलबाहिर राजावादीहरुको एउटा समूह पुष्पगुच्छासहित बसेको थियो । तर पूर्व राजाले उनीहरुलाईसमेत भेटेनन् ।

वैवाहिक कार्यक्रमकालागि भारत गएका भनिएका पूर्व राजाले त्यहाँका शक्तिशाली नेताहरुलाई भेटेपछि माओवादीले तीब्र प्रतिकृया जनाएको थियो । पूर्व राजा भारत गएकै समयको आसपासमा नेका सभापति गिरिजाप्रसाद कोइराला, एमाले नेता केपी शर्मा ओली र गृहमन्त्री बामदेव गौतम 'स्वास्थ्य उपचार' कालागि भारत गएपछि त्यसलाई कतिपयले राजनीतिक षडयन्त्रको रुपमा व्याख्यासमेत गरेका थिए ।

पूर्व राजाले सर्वप्रथम गुजरातमा हिन्दूवादी मुख्यमन्त्री नरेन्द्र मोदीलाई भेटेका थिए । यसका अलवा उनले भारतीय राष्ट्रिय कांग्रेसकी अध्यक्ष सोनिया गान्धी, भारतीय जनता पार्टीका अध्यक्ष राजनाथ िसंह, कांग्रेस आइका विदेश विभाग प्रमुख एबं पूर्व राजाका नातेदार डा. करण िसंह आदिलाई भेटेका थिए । उनको पछिल्लो भेट भाजपाका बरिष्ठ नेता लालकृष्ण आडवानीसँग भएको थियो ।

बुधवार अपरान्ह स्वदेश फर्केका पूर्व राजा सिधै महाराजगाजस्थित आफ्नो निर्मल निवासमा पुगेका थिए । उनी केही समय त्यहीं रहेर सरकारले उपलब्ध गराएको नागार्जुनस्थित बंगलामा जानेछन् । उनले नागार्जुन बंगलालाई गोप्य राजनीतिक भेटघाटको थलो बनाउँदै आएका छन् । पूर्व राजासँग निकट श्रोतका अनुसार उनले यसैहप्तादेखि केही पूर्व राजावादी राजनीतिक व्यक्तिहरुसँग भेटघाटको योजना बनाएका छन् ।

-Sitaram Baral in Kathmandu

Read our more related news: New Archive

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»