www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

नेपालको बजारमा नक्कली रक्सी बेच्ने पक्राउ

पक्राउ परेका नक्कली रक्सी र कारोवारी भोला दाहाल Photos: Sitaram

काठमाण्डौं, December 17, 2008- कतै तपाईंपनि मज्जा मानी-मानी रेड लेवल वा ब्ल्याक लेवल भनेर नक्कली रक्सी त खाइरहनु भएको छैन? नेपालको बजारमा नक्कली रक्सी कसरी छ्याप्छ्याप्ती पारिएको रहेछ भन्ने कुरा नेपाली बजारमा अत्यधिक खपत हुने स्वदेशी मदिराको नक्कली उत्पादनस्थल र उत्पादकलाई प्रहरीले नियन्त्रणमा लिएपछि खुलाशा भएको छ ।

बजारमा मदिराको जथाभावी र अवैध कारोबार बन्द गर्ने सरकारको नीतिबमोजिम अनुसन्धान गर्ने क्रममा महानगरीय प्रहरी प्रभाग दरबारमार्गको टोलीले बुधबार बिहान अवैध उत्पादकलाई पक्राउ गरेको छ । पक्राउ व्यक्तिउपर अनुसन्धान गर्ने क्रममा बौद्धको टुसालमा नक्कली उत्पादनस्थल फेला परेको थियो । महानगरीय प्रभागका इन्स्पेक्टर बामदेव गौतमका अनुसार बुधबार बिहान दरबारमार्ग प्रहरी प्रभागको भ्यानले नागपोखरीमा एक शंकास्पद ट्याक्सी फेला पारेको थियो ।

मदिराका कार्टुनले भरिभराउ उक्त ट्याक्सी रोकेर सोधपुछ गर्दा ढुवानीकर्ताले बिल र भौचर पेश नगरेपछि उनलाई प्रहरीले नियन्त्रणमा लिएको थियो । नियन्त्रणमा लिइएका भोला दाहाल आफैं नक्कली मदिरा उत्पादन गर्ने र प्रत्येक विहान बजारमा ढुवानी गर्ने गरेको बताइएको छ । तर उत्पादनस्थलका मूल लगानीकर्ता भने रामेछाप घर भई कपनमा बस्ने लीला पोखरेल रहेको भोलाले दावी गरेका छन् ।

भोला नक्कली मदिरा उत्पादनसँगै देखावटी कामका रुपमा सुविसु केबलमा मार्केटिङमा जागिर खान थालेका थिए । उनी पशुपति क्याम्पस चावहिलमा प्रमाणपत्र तह द्वितीय वर्षमा अध्ययनरत छन् । भोलाको बयानका आधारमा बौद्धको टुसालस्थित होटल हायातको मूलगेटबाट पाँच घर अगाडि बढेपछि बजाज मोटरसाइकलको सेल्स अफिस रहेकै घरको पछाडि नक्कली मदिरा उत्पादनस्थल रहेको प्रहरीले फेला पारेको थियो ।

त्यहाँ छापा मार्दा बजारमा अत्यधिक खपत हुने स्वदेशी मदिराका ब्रान्ड सिग्नेचर रोयल स्टेक, इभिनिङ किङ्स, खुकुरी रम, ब्ल्यु रिमेन्ड जिन, ब्यागपेपर भर्जिन फेला परेको थियो । विभिन्न ब्रान्डका नक्कली मदिराको परिमाण २४ कार्टुन रहेको प्रहरीले उल्लेख गरेको छ । पक्राउ परेका भोलाका अनुसार उनीहरुले नक्कली मदिरा उत्पादनको काम थालेको तीन वर्ष भयो । 'पहिला स्वयंभुको सानो भर्याङमा काम हुन्थ्यो' उनले भने- 'अबचाहिँ यस्तो काम छाडौं भनेका थियौं फँसियो ।'

नक्कली मदिराको उत्पादनस्थलबाट प्रहरीले स्प्रिाट रक्सीको फ्लेबर, आन्तरिक राजस्व कार्यालयको स्टिकर, बिर्को लगाउने मेसिन पनि फेला परेको प्रहरीले जनाएको छ । रक्सीको फ्लेबर नवलपरासीबाट र सिल भारतबाट आउने गरेको पक्राउ परेका भोलाले बताएका छन् । आन्तरिक राजस्वको स्टिकर भने विभिन्न कम्प्युटर सेवा केन्द्रमा प्रति स्टिकर ५० पैसाका दरले खरिद गर्न पाइने जानकारीपनि उनले दिएका छन् ।

-Sitaram Baral in Kathmandu

Photos: Sitaram

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»