संविधान सभाका बिभिन्न समितिहरुको चुनाव अब पुष २९
गते हुने
काठमाण्डौं, January 7, 2009- संविधान सभा र व्यवस्थापिकाका बिभिन्न
समितिहरुको चुनावको मिति तेस्रो पटक पनि सरेको छ । राजनितिक दलहरुबीच सहमति
हुन नसके पछि समिति र उपसमितिहरुको चुनाव पुष २९ गतेका लागि सरेको हो ।
यस अघि २५ गते गर्ने भनेर चुनावको मिति तोकिएको थियो । पुस २२ गते बसेको
कार्यव्यवस्था परामर्श समितिको बैठकले यस्तो निर्णय गरेको हो । यस अघि
मंसिर मसान्तमा पहिलो पटक र दोस्रो पटक पुष १५ गतेका लागि तोकिएको थियो।
संविधान सभा अन्तरगतका विभिन्न सभापतिहरुको निर्वाचन २९ विहान ८ वजे हुनेछ
भने १० बजे व्यवस्थापिकाका विभिन्न समितिका सभापतिहरुको निर्वाचन हुने छ ।
निर्वाचन संविधान व्यवस्था मिलाउन संविधानसभा सचिवालयका कार्यवाहक महासचिव
मनोहरप्रसाद भट्टराईलाई जिम्मेवारी दिइएको छ ।