Home | About Us | Send Us News | Photo Gallery | Contact Us | Sitemap Archive | Download | Blog | Forum | Guest Book | Feedback | Links	Enter your search terms Submit search form   Web www.usnepalonline.com
	Local:    Kathmandu:
	News from your web home at the capital of the world-New York City विश्वको राजधानी शहर न्युयोर्कबाट नेपाली खबरहरु
यस भित्रका खुराकहरु: संपादकीय Editorial साताको कुराकानी Interview साताको दोहोरी भाका साताको अनुहार साप्‍ताहिक झटारो हाम्रो बोली Feature Story / News स्था‍नीय खबरहरु Local News नेपालका खबरहरु News from Nepal अन्‍रांष्‍ट्रीय खबरहरु International News साताको अनुहार Faces of the Week Upcoming Events in USA न्‍यूयोर्कमा आगामी कायंक्रमहरु Upcoming Events in NYC न्‍यूयोर्क शहरमा एक साँझ An Evening Out in New York न्‍यूयोर्कका नेपाली संघ-संस्‍थाहरु Nepalese Orgs in NYC न्‍यूयोर्कमा नेपाली ब्‍‍यावसायहरु Nepalese Business in NYC अमेरिकामा नेपाली संस्‍थाहरु Nepalese Orgs in USA अमेरिकामा नेपाली ब्‍‍यावसायहरु Nepalese Business in USA समकालिन साहित्य-रचना Contemporary Writings कविता Poetry मनोरन्जन Entertainment दोहोरी लोक भाकाहरु सुनौं Nepalese Folk Music & Dance बगिंकृत विज्ञापन Classified पाठक प्रतिकृया Readers' Comments पुराना कुराहरु News Archive Audio Archive Video Archive यो वेबसाइट पढ्‍न युनिकोड र प्रीती फन्‍ट Font चाहिन्‍छ: लेख-रचना र खबर पठाउँदा यि  दुइटा फन्‍टमा टाइप गरी पठाउनुहोला नेपाली युनिकोड फन्‍ट डाउनलोड Nepali Unicode Font Download प्रीती Preeti font Download बिबिध Miscellaneous नेपालका आदिवासी-जनजातिहरु Indigenous People of Nepal प्रवासी नेपाली संस्थाह्‍रू Nepali Diaspora Orgs Nepali News Media नेपाली पत्रपत्रिकाहरू दैनिक Daily साप्‍ताहिक Weekly Monthly & Other Media Nepali Online Portals Nepali Radio / F.M. / TV नेपाली अन‍लाइन्‌ पोटंल	News from Nepal: नेपाली खबरहरु
	सांसद बन्ने रहर साइकलमा सरर काठमाडौं, March 9, 2008-एमाले, माओवादी र नेपाली कांग्रेसजस्ता ठूला पार्टीहरुको आपसी प्रतिस्पर्धाले रौनक थपेको संविधान सभाको चुनावमा नेकपा एकिकृतका एक जना उम्मेदवारले भने यतिबेला निकै ठूलो चर्चा पाएका छन् । उनको उम्मेदवारीलाई सबैजसो संचार माध्यमहरुले निकै प्राथमिकताका साथ समाचार बनाएका छन् । यति धेरै चर्चा पाएका नेकपा एकिकृतका उम्मेदवारको नाम हो- दुर्गाबहादुर चेपाङ्ग । उनी सो पार्टीको तर्फबाट चितवन- २ को प्रत्यासी बनेका छन् । अन्य उम्मेदवारको तुलनामा उनले कति भोट पाउलान् त्यो चुनावपछिको मत गणनाक्रममा थाहा होला । उनको प्रतिस्पर्धा नेकपा माओवादी का शीर्ष नेता रामबहादुर थापामगर 'बादल', एमालेका केन्द्रीय सदस्य काशीनाथ अधिकारी, नेपाली कांग्रेसका एकनाथ रानाभाटसँग हुँदैछ । तर चितवनमा मात्र होइन बादल, अधिकारी र रानाभाटको तुलनामा उनले देशव्यापी प्रचार पाएका छन् । Durga Bahadur Chepang. Photo courtesy: Durgabahadur Chepang दुर्गाबहादुर र गिठ्ठा-भ्याकुर ठूला पार्टीका ठूला नेताहरुसँग चुनाव लड्न लागेकालेपनि उनले यतिधेरै चर्चा पाएका होइनन् । वर्षको अधिकांस समय गिठ्ठा-भ्याकुर खाएर जीवन धान्ने उनी र उनको परिवारका कारण उनले चर्चा पाएका हुन् । चितवनको दुर्गम पहाडी इलाका सिद्धिमा जन्मेका उनको घर २०६० मा बाढीले बगाएपछि पूर्वी चितवनको पदमपुर गाविसमा बस्न थालेका हुन् दुर्गाबहादुर । ३८ वर्षीय दुर्गाबहादुरको घर बाँसका भाटाले बनेको छ जहाँ उनकी श्रीमतिसहित तीन छोरा एक बुहारी र एक नातिसहित ११ जनाको परिवार गिठ्ठाभ्याकुरलगायतको कन्दमूल खाएर बाँचका छन् । उनीहरु दात-भात खाँदैनन् किनभने त्यो अवसर उनीहरुकालागि जुर्दै-जुर्दैन । उनी भन्छन्- 'भात त वर्षमा तीन-चार पटकमात्र चाख्न पाइन्छ ।' बर्षदिन भरि अधिकांस उनीहरु जंगलबाट गिठ्ठा भ्याकुर ल्याएर जीविका चलाउँछन् । तरकारी भने सिस्नो हुनेगर्छ उनीहरुको । पदमपुरबाट झण्डै तीन घण्टा टाढा रहेको टाँडी जंगल उनका परिवारले कन्दमूल खोज्ने थलो हो । फागुन ८ गते गिठ्ठाभ्याकुर खाएर चितवनको भरतपुरमा रहेको जिल्ला निर्वाचन क्षेत्रीय कार्यालयमा उम्मेदवारी दर्ता पुगेका थिए । उनी उम्मेदवारी दर्ता गर्न िहंडेपछि उनको परिवार गिठ्ठा भ्याकुर खोज्न जंगल िहंडेको थियो । उनीहरुको गरिवीले उनीहरुलाई यस्तो जीवन बाध्य पारेको छ । खान लगाउन त यस्तो धौ धौ छ भने उनी स्कूल जाने त परको कुरा भयो । त्यसैले प्रत्यक्ष र समानुपातिक निर्वाचन प्रणालीबारेको फरकबारेपनि उनले अहिलेसम्म भेउ पाएका छैनन् । उम्मेदवारी दर्ता र त्यसपछि जब उनी प्रचारकालागि िहंड्न थाले उनलाई स्थानीय पत्रकारहरुले सोधेका थिए- ुतपाईं समानुापातिक तर्फको उम्मेदवार हो कि प्रत्यक्ष तर्फको ु उनले जवाफ दिएका थिए- 'मलाई समानुपातिक र प्रत्यक्ष भन्ने दुवै पार्टी मन पर्दैनन् । मलाई मन पर्ने पार्टी भनेको नेकपा एकिकृत मात्र हो ।' अन्य उम्मेदवार भएको भए उनको यो जवाफ उपहासको विषय हुने थियो । तर गरिव र निरक्षर समुदायका भएकाले दुर्गाबहादुरको उपहास होइन सहानुभूति झन् बढेको छ । त्यसैले उनीप्रति सहानुभूति प्रकट गर्दै संचार माध्यमहरुले पनि उनलाई 'हाइलाइट' गरिरहेका छन् । यति धेरै प्रचार उनी संलग्न पार्टीका नेताहरुलेपनि पाएका छैनन् जवकि रामिसंह श्रीषमगरले नेतृत्व गरेको सो पार्टीमा सीताराम तामाङ्ग, ऋषि कट्टेल, नवराज सुवेदी, परी थापा लगायतका राष्ट्रिय स्तरका नेताहरुपनि छन् । ०५३ देखि एमालेमा संलग्न भै एमालेको गाउँ कमिटीमा रहेका उनी गत असोझमा नेकपा एकिकृतमा प्रवेश गरेका उनका अगाडि सो पार्टीका शीर्ष नेताहरुपनि यतिबेला छायाँमा परेका छन् । साइकलमा सरर निर्वाचन आयोगले हरेक उम्मेदवारले आफ्नो चुनाव प्रचारकालागि एउटा गाडी प्रयोग गर्न पाउने छुट दिएको छ । यसैगरी उम्मेदवारले ४ लाख ५० हजार रुपैयाँसम्म खर्च गर्न पाउँछन् । उनका प्रतिद्धन्दीहरुसँग एकसेएक गाडी छन् । एमाले माओवादी कांग्रेसजस्ता ठूला पार्टीका उम्मेदवारले चारलाख होइन चार करोड खर्च गर्न सक्छन् । निर्वाचन आचार संहिताले दिने भए उनीहरुले एउटा होइन एक सय वटा गाडी प्रयोग गर्छन् । तर दुर्गाबहादुर चेपाङ्गकालागि चार लाख होइन एक लाखपनि ठूलो कुरा हो । झन् गाडीमा चढेर प्रचारमा िहंड्ने कुरा त उनले सोचेका पनि छैनन् । चुनाव प्रचारकालागि उनले प्रयोग गर्ने साधन हो उनीसँग रहेको एउटा थोत्रो साइकल, जुन उनले केही वर्षअघि दुखजेलो गरेर किनेका थिए । अनि चुनाव प्रचारकालागि उनले आफन्तसँग १५ हजार ऋण काढेका छन् । संविधान सभाको निर्वाचनमा विजयी बन्न सके चुनाव लड्न खोजिएको ऋण तिर्न सकिन्थ्यो भन्ने उनलाई लागेको छ । चुनाव प्रचारकालागि अर्का अत्यावश्यक सामान हो फोन । तर उनीसँग संचारको कुनै साधनपनि छैन । होओस पनि कसरी जबकि विहान बेलुकाको छाक टार्न उनीहरुले कन्दमूल खोज्नुपर्छ । केही महिना अघि उनले एउटा सिमकार्ड पाएका रहेछन् । तर मोवाइल सेट उनीसँग भएन । उनले किन्नसक्ने स्थितिपनि थिएन । अनि उनले आफूसँग रहेको सिमकार्ड समेत आफ्नो साथीलाई दिए । चुनाव प्रचारकालागि कसैले सम्पर्क गर्न खोजे आफ्नो झुप्रो नजिकै रहेको आफ्ना छिमेकीको घरको फोन नम्बर उनले दिएका छन् । कसैको फोन आएमा उनी पाँच मिनेटमा फोन रिसिभ गर्न पुग्ने उनको भनाई छ । एकमात्र चेपाङ्ग उम्मेदवार पक्कैपनि सजिलो हुँदैैन प्रत्यक्ष चुनाव लड्न । पूँजीवादको यो जमानामा जसले जतिधेरै खर्च गर्न र तामझाम गर्न सक्छ चुनावी परिणाम उसैको पक्षमा जान्छ । चुनावमा पैसाको निकै ठूलो खेल हुन्छ त्यसै भनिएको होइन सायद । त्यसैले गरिव व्यक्तिलाई टिकट दिन हम्मेसी कुनैपनि पार्टीले चाहन्नन् । उम्मेदवार गरिव भयो भने पैसा खर्चन सक्दैन र पार्टीको हार हुन्छ भन्ने अधिकांस पार्टीको धारणा छ । त्यसैले प्रत्यक्ष चुनावको टिकटपनि धनी र हुनेखानेहरुले नै पाउँछन् पाएका छन् । तर दुर्गाबहादुर अपवाद बनेका छन् । नेपालमा चेपाङ्गहरुको जनसंख्या ५० हजारको हाराहारीमा रहेको बताइन्छ । क्षेत्र निर्धारणको क्रममा पिछडिएका जाति अन्तर्गत पर्ने चेपाङ्ग जातिका मानिसहरु पनि चुनिएर आउन् भन्ने सोचका साथ छुट्टै निर्वाचन क्षेत्र निर्माण गर्ने कुरा चर्चामा आएको थियो । तर चेपाङ्ग जनसंख्या चितवन, धादिङ्ग, मकवानपुर, लमजुङ्ग आदि जिल्लामा छरिएर रहेका कारण उनीहरुकालागि छुट्टै निर्वाचन क्षेत्र सम्भव भएन । त्यसैले उनीहरुलाई संविधान सभामा समानुपातिक निर्वाचन प्रणाली अन्तर्गत समावेश गर्ने सोच अधिकांस पार्टीको बन्यो । यसैअनुसार नेकपा एमालेले एकजना, नेकपा माओवादी ले दुई जना, र नेपाली कांग्रेसले एक जना चेपाङ्गलाई समानुपातिक तर्फको बन्दसूचिमा राखेका छन् । ठूला पार्टीहरुले प्रत्यक्ष निर्वाचनमा कोही चेपाङ्गलाई उठाउन चाहेनन् भन्ने यसबाट देखियो । यस हिसावले दुर्गाबहादुर यस्ता चेपाङ्ग हुन् जसले संविधान सभाको चुनावमा प्रत्यक्ष उम्मेदवारी दिने पहिलो चेपाङ्गको हैसियत प्राप्त गरेका छन् त्यो पनि गिठ्ठा र भ्याकुर खाएर । 'निम्नस्तरका जनतालाई पनि राजनीतिमा ल्याउनुपर्छ र अवसरपनि दिनुपर्छ भनेर हामीले उम्मेदवार बनाएका हौ'- नेकपा एकिकृत को केन्द्रीय कार्यालय सचिव कृष्ण रानामगर भन्छन्- 'उहाँलाई संविधान सभाको चुनावमा प्रत्यक्ष रुपले उठाउन पाउँदा र उहाँले पाएको प्रचार देख्दा हामी गौरवान्वित भएका छांै ।' जानकारी अनुसार चितवनमामात्र चेपाङ्गहरुको जनसंख्या करिव ४० हजार छ भने चेपाङ्ग मतदाताहरु करिव २४ हजारको हाराहारीमा छन् । उनले यतिधेरै चर्चा पाएपछि उत्साहित बनेको नेकपा एकिकृतले उनको प्रचारमा केही ध्यान दिन थालेको छ । सीमित जिल्लामा सिमित प्रभाव रहेको नेकपा एकिकृतका तर्फबाट चुनाव लडेका दुर्गाबहादुरले चुनाव जित्लान् नजित्लान् त्यो छुट्टै विषय हो । तर यस्तो साहस गर्ने व्यक्तिलाई सबै पार्टी र पक्ष मिलेर संविधान सभामा मनोनित गर्नु जरुरी छ । किनभने अन्तरिम संविधानमा २६ जनालाई संविधान सभामा मनोनित गर्न सकिने प्रावधान राखिएको छ । २००८ मार्च ८ -बिबेक बराल Vivek Baral, March 9, 2008
	तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस् Please add yours and view our readers' comments at: Guest Book page»

Advertise With Us | Affiliate | Terms of Service | Disclaimer | Privacy Policy | Copyright/IP Policy | RSS | FAQ
Copyright © 2007-8 USNepalOnline.Com. All rights are reserved. URLs: USNepalOnline.Com, USANepalOnline.Com, AjakoAwaj.Com
a media initiative of Global Federation of Indigenous People of Nepal, USA (GFIPN)
Questions & queries? Write us at: feedback@usnepalonline.com. Developed by eEyeElements®