www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

स्व. युवराज दीपेन्द्रका अंगरक्षक बेलायततिर

काठमाण्डौं, 27 Mar, 09- दरवार हत्याकाण्डमा आफ्नै पिता एबं तत्कालिन राजा बीरेन्द्रलगायत परिवारका सदस्यहरुमाथि गोली चलाएको आरोप लागेका तत्कालिन युवराज स्व. दीपेन्द्रका अंगरक्षक सेनानी राजु कार्की परिवारसहित गुप्त रुपले विदेशरित लागेको समाचार प्राप्त भएको छ ।

उनलाई युवराज दीपेन्द्र र उनकी प्रेमिका देवयानी राणाबीचको प्रेम सम्बन्धबारे निकै जानकारी थियो ।

श्रोतका अनुसार गत साल काठमाडौंमा रहेको आफ्नो सम्पूर्ण जायजेथा बेचविखन गरी परिवारसहित बेलायततर्फ लागेका थिए । उनले आफ्ना निकटका कतिपय साथीहरुलाईसमेत कुनै जानकारी नदिई बेलायततर्फ लागेका थिए । गणतन्त्रको घोषणा हुनुअगाडि नै उनले नेपाल छाडेको बताइएको छ । नेपालमा भविष्यमा आइपर्ने झण्झटलाई ख्याल गर्दै उनी बेलायत भासिएको श्रोतको दावी छ ।

दरबार हत्याकाण्डमा तत्कालीन युवराज दीपेन्द्रले आफ्नै परिवारमाथि गोली चलाउनुको कारणबारे उनलाई जानकारी रहेको बताइन्छ । दरवार हत्याकाण्ड जुन दिन हुँदै थियो त्यसको भोलिपल्ट उनी अमेरिका तर्फ जाँदै थिए । एकवर्षे सैनिक तालिमकालागि अमेरिका जान उनले युवराज दीपेन्द्रसँग अघिल्लै दिन बिदा लिएका थिए ।

दरवार हत्याकाण्डको दिन युवराज दीपेन्द्रले आफ्नी प्रेमिका देवयानीलाई अन्तिम पटक फोन गरेपछि आत्तिएकी देवयानीले दरवारमा अनिष्ट हुन लागेको जानकारी फोनमा गराउँदै राजुलाई तुरुन्त दरबारमा जान भनेकी थिइन् । त्यसैले दीपेन्द्र-देवयानीबीचको त्यो अन्तिम कुराकानीबारे उनलाई जानकारी थियो । र त्यसबारे कुरा राजुबाट खुल्न सक्थ्यो ।

देवयानीले दरवारमा जान अनुरोध गरेपछि राजु तत्कालै दरवारमा पुगेका थिए । उनले देवयानीको अनुरोध अनुसार आफु दरबार पुग्दा निकै ढिलो भइसकेको कुरा दरबार हत्याकाण्डसम्बन्धी छानबिनका लागि गठन गरिएको उच्चस्तरीय समितिलाई दिइएको बयानमा उल्लेख गरेका थिए । दरवार हत्याकाण्डपछि भने उनलाई अमेरिका जानबाट रोक लगाइएको थियो ।

फोटो- बेलायत भासिएका स्व. दीपेन्द्रका अंगरक्षक मेजर राजु कार्की

-Sitaram Baral in Kathmandu

Read our more related news: New Archive

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»