'निर्धारित समयमै संविधान निर्माण पूरा हुन्छ'
-संविधान सभाका अध्यक्ष नेम्वाङ
काठमाण्डौं, November 27, 2008- संविधान सभाका अध्यक्ष सुभाषचन्द्र
नेम्वाङले तोकिएको समयअगावै नेपाली जनताले चाहेको जस्तो संविधान निर्माण
हुने दाबी गरेका छन् । 'शान्तिमालिका' नामक संस्थाद्वारा आयोजित
कार्यक्रममा बोल्दै अध्यक्ष नेम्वाङ्गले संविधान लेखन शुरु भइसकेकाले
सबैलाई आ-आफ्नो स्थानबाट सहयोगको आग्रहसमेत गरेका छन् ।
'निर्धारित समयमै संविधान निर्माण पूरा हुन्छ' नेम्वाङले भने- 'नेपाली
जनताको अधिकार सुनिश्चित गर्नेगरी संविधान लेखन शुरु भइसकेको छ ।' संविधान
निर्माणमा नेपाली जनता, नागरिक समाजले पहरेदारी गर्नुपर्नेमा उनको जोड
थियो । नागरिक समाजको पहरेदारीले लोकतान्त्रिक संविधान निर्माणमा ऊर्जा
मिल्ने उनको भनाई थियो ।
संविधानमा महिलाको अधिकार सुनिश्चित गर्न कुनै कसर बाँकी नराख्ने बताउँदै
अधिकारको सुनिश्चितताका लागि सबैले आ-आफ्नो स्थानबाट पहरेदारी र पहलकदमी
राख्नुपर्नेमापनि अध्यक्ष नेम्वाङ्गले जोड दिएका छन् ।