www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

जनसेनालाई नेपाली सेनामा समायोजन गरे कांग्रेसले बिद्रोह गर्ने

काठमाण्डौं, November 8, 2008- नेपाली कांग्रेसका कार्यबाहक सभापति सुशील कोइरालाले माओवादी जनमुक्ति सेनालाई नेपाली सेनामा समायोजन गरे कांग्रेसले बिद्रोह गर्ने चेतावनी दिएका छन् ।

कांग्रेसका प्रवक्ता अजुर्ननरिसंह केसीले चािहं नेपाली सेनाको मापदण्डविपरित सेना समायोजन गर्न खोजे स्वीकार गर्न नसकिने बताएका छन् ।

नेशनल स्कुल अफ रिसर्चद्वारा आयोजित कार्यक्रममा बोल्दै केसीले सेनाको मापदण्डलाई कुनै तोडमोड गर्न खोजे कडा कदम चाल्ने चेतावनी दिएका हुन् । कार्यबाहक सभापति कोइरालाले भने रुपन्देहीमा पत्रकारहरुसँगको कुराकानीमा बिद्रोहको चेतावनी दिएका हुन् ।

उपसभापति कोइराला र प्रबक्ता केसीको अभिव्यक्तिले सेना समायोजनबारे नेपाली कांग्रेसभित्रपनि मतैक्यता नरहेको देखिएको छ । कोइरालाले माओवादी जनसेनालाई राष्ट्रिय सेनामा मिसाउनै नहुने बताएका छन् भने सहमहामन्त्री केसीले चाँही नेपाली सेनाको मापदण्ड पुर्याएरमात्र नेपाली सेनामा समाबेश गर्नुपर्नेमा जोड दिएका छन् ।

'नेपाली सेनाको जे मापदण्छ छ त्यसै अनुरुप सेना समायोजन हुनुपर्छ' केसीले भने- 'जनसेनाले सेनामा प्रवेश गर्न चाहे व्यक्तिगत रुपमा सेनाको मापदण्ड पूरा गर्नुपर्छ ।' सेनाका अलवा प्रहरी र सुरक्षाका अन्य अंगमा प्रवेश गर्न चाहनेले पनि मापदण्ड पूरा गर्नुपर्ने व्यवस्था गर्न उनको जोड थियो ।

सेनामा जनसेनालाई प्रवेश दिलाएर माओवादीले सेनामा राजनीतिकरण गर्न खोजिएको आरोप लगाएका छन् । उनले भने- 'राष्ट्रिय सेनाको साख, प्रतिष्ठा, व्यवसायिक र पेशागत सम्मानमा आंच आउने काम स्वीकार्न सकिदैन ।' सेना समायोजनको विशेष समितिमा प्रमुख दलको परिभाषा प्रष्ट हुनुपर्ने कुरापनि उनले जोड दिएका छन् ।

नेशनल स्कुल अफ रिसर्चका संयोजक एम किसानले सम्मेलनले राष्ट्रिय सहमति बिना जनताको चाहाना अनुरुपको संबिधान निर्माण नहुने ठहर गरेको जानकारी दिएका थिए । अक्टुवर २४ देखि २९ सम्म भक्तपुरमा भएको सम्मेलनमा द्वन्द्वबाट प्रभावित बर्मा, भारत, क्याम्वोडिया, थाइलैण्ड लगायत १० देशका प्रतिनिधिहरुको सहभागिता रहेको बताइएको छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»