www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

'नेपालमा एकदलीय कम्युनिष्ट सत्ता स्थापित हुनसक्दैन'

काठमाण्डौं, December 10, 2008- राजनीतिक संक्रमण र नेपालको कमजोरीका कारण विदेशी राजदूतहरुले नेपालको राजनीतिक मामिलामा बक्तव्य दिने क्रम जारी छ ।

यसै क्रममा स्वीजरल्याण्डका राजदूत डोमिनिक ड्राइअरले नेपालमा एकदलीय कम्युनिष्ट सत्ता स्थापित हुननसक्ने बताएका छन् । उनलॆ नेपालमा लोकतन्त्र सुदृढ बन्दै गएकाले एकदलीय कम्युनिष्ट सत्ता स्थापित हुननसक्ने बताएका हुन् । 'नेपालमा एकदलीय कम्युनिष्ट सत्ता स्थापित हुनसक्दैन' माओवादीले जनगणतन्त्र स्थापना गर्ने भनिरहेको बारे सम्बाददाताहरुले सोधेको प्रश्नको उत्तर िदंदै उनले भने- 'काठमाडौंको गल्लीहरु हेर्दा कम्युनिष्ट सत्ता स्थापित हुन्छ जस्तो लाग्दैन ।' नेपाली जनता लोकतन्त्रका पक्षधर रहेकाले बहुदलीय प्रतिष्पर्धात्मक प्रणाली सुदृढ हुँदै जाने आशा व्यक्त गरे ।

नेपाली जनताको चाहनाअनुसारको प्रणालीलाई आफूहरुले स्वागत गर्ने स्पष्ट पारेका राजदूतल ड्राइअरले नेपाली जनता लोकतन्त्रको अभ्यास गर्दै आएकाले कुनैपनि प्रकारको निरंकुश शासन आउननसक्ने विश्वास नभएको बताएका हुन् । नेपाली जनताले विश्वलाई नै चकित पार्नेगरी शान्ति प्रकि्रयालाई अगाडि बढाइरहेबाट आफूहरु निकै खुशी भएको उनको भनाई थियो ।

नेपाल सरकार र राजनीतिक दलहरुका सामु नयां संविधान निर्माणको चुनौती रहेकाले सहमतिबाट अगाडि बढ्न आग्रह गर्दै उनले भने- 'नेपाल संक्रमणकालबाट गुजि्ररहेकाले चुनौतीहरु पार गर्न दलहरुबीच सहमतिको जरुरी छ भन्ने हाम्रो बुझाई छ ।' संविधानसभामा कुनैपनि दलको बहुमत नभएकाले संविधान निर्माणमा सहमतिको विकल्प नदेखिएकोपनि उनले बताए ।

नेपालको शान्ति प्रकि्रयामा स्वीस सरकार सहयोगका लागि तयार रहेको बताउँदै उनले संविधान निर्माणमापनि आवश्यक सहयोग गर्ने स्पष्ट पारे । स्वीजरल्याण्डले नेपालमा शान्ति विकास र लोकतन्त्रको संस्थागत विकास चाहेको बताउँदै भने- 'हामी नेपालको हितका लागि आवश्यक सहयोग गर्न तयार छौं ।' संघीयताबारे सोधिएको प्रश्नमा उनले त्यसको टुंगो नेपाली जनताले लगाउने बताएका छन् । स्वीजरल्याण्डले लामो समय लगाएर संघीयताको संरचना निर्माण गरेर अभ्यास गरिरहेको बताउँदै उनले नेपालकालागि नेपाली जनताको चाहना र यहाँको आवश्यकता अनुसारको संरचना निर्माण हुनुपर्नेमा जोड दिए । उनले भने- 'कस्तो संरचना लागू हुने र कुन प्रणालीमा जाने भन्ने नेपाली जनताबाट अनुमोदन हुने विषय हो ।'

नेपालको विकास र शान्ति प्रकि्रयाका लागि स्वीजरल्याण्डले ५ करोड अमेरिकी डलर सहयोग गर्ने जानकारी िदंदै उनले सहयोग रकम दोब्बर बनाइने पनि बताएका छन् । ६० जिल्लामा झुलुंगे पुल निर्माणमा सहयोग गर्दै आएको बताउँदै एशियाली विकास बैंकसँग मिलेर सडक निर्माणमा पनि सहयोग गरिरहेको उनको भनाई छ । नेपालको विकासमा थप सहयोग गर्न आफ्नो देश तैयार रहेकोप्रति आश्वस्त पार्न खोजे ।

कार्यक्रममा उपस्थित स्वीस विकास नियोगका नेपालस्थित निर्देशक जिन मार्क क्ल्याभेलले नेपालको विकासमा सहयोग गर्न पाउँदा आफूहरु निकै खुशी भएको बताएका थिए । आगामी दिनमा विकासका लागि सहयोग बढाइने बताउँदै क्ल्याभेलले शान्ति निर्माणसम्बन्धी सल्लाहकार आर्कुस हेनिङगरलेपनि नेपालको शान्ति प्रकि्रया विश्वकै सामु उदाहरणीय भएको बताए ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»