Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्ताहिक झटारो
हाम्रो बोली
Feature Story / News
स्थानीय खबरहरु
Local News
नेपालका खबरहरु
News from Nepal
अन्रांष्ट्रीय खबरहरु
International News
साताको अनुहार
Faces of the Week
Upcoming Events in USA
न्यूयोर्कमा आगामी कायंक्रमहरु
Upcoming Events in NYC
न्यूयोर्क शहरमा एक साँझ
An Evening Out in New York
न्यूयोर्कका नेपाली संघ-संस्थाहरु
Nepalese Orgs in NYC
न्यूयोर्कमा नेपाली ब्यावसायहरु
Nepalese Business in NYC
अमेरिकामा नेपाली संस्थाहरु
Nepalese Orgs in USA
अमेरिकामा नेपाली ब्यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
बगिंकृत विज्ञापन Classified
पाठक प्रतिकृया
Readers' Comments
पुराना कुराहरु News Archive
Audio Archive
Video Archive
बिबिध Miscellaneous
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्ताहिक Weekly
Monthly & Other Media
Nepali Online Portals
Nepali Radio / F.M. / TV
नेपाली अनलाइन् पोटंल
News from Nepal: नेपाली खबरहरु
नेपालकै सबैभन्दा जेठा मतदाता १ सय ३२ बर्शिय बृद्धले पनि भोट हाले
बल्खूस्थित परीक्षा नियन्त्रण कार्यालयमा रहेको मतदान केन्द्रमा लामबद्ध मतदाता Photo: Sitaram Baral
Sitaram Baral in Kathmandu, संबिधानसभा निर्वाचन बिशेष काठमाडौं ब्युरोबाट
काठमाडौं, April 10, 2008-केही जिल्लामा झडपका बाबजुद देशैभरि शान्तिपूर्ण रुपमा चुनाव सम्पन्न भैरहको छ । प्रत्यक्ष निर्वाचन अन्तर्गत निर्वाचित हुने २ सय ४० मध्ये २ सय ३९ वटा निर्वाचन क्षेत्रहरुमा मतदान भैरहेको छ । सुर्खेतमा एमाले उम्मेदवार ऋषिप्रसाद शर्माको हत्या भएकाले सो क्षेत्रमा भने आगामी बैशाख ७ गते निर्वाचन हुने भएको छ ।
त्यस क्षेत्रमा चैत्र ३० गते नेकपा एमाले का नयाँ उम्मेदवारले उम्मेदवारी दर्ता गरेपछि नयाँ निर्वाचन कार्यक्रम सुरु हुनेछ । निर्वाचन शान्तिपूर्ण रुपले सम्पन्न गर्न देशैभरि कडा सुरक्षा व्यवस्था गरिएको दावी गृह मन्त्रालयले गरेको छ ।
विहान १२ बजेसम्म रामेछाप, सर्लाही, महोत्तरी, चितवन र रौतहटका गरी ६ वटा मतदान केन्द्रमा आपसी झडपका कारण निर्वाचन स्थगित भएको जानकारी गृहमन्त्रालयले दिएको छ । जिल्ला-जिल्लामा प्रमुख प्रतिस्पर्धी दलहरु एमाले, माओवादी र नेपाली कांग्रेसबीच झडप भैरहेका समाचार प्राप्त भैरहेका छन् । जसले जहाँसक्यो त्यहाँ बुथ क्याप्चर गर्ने प्रबृत्ति यस निर्वाचनमापनि देखिएको छ । बुथ क्याप्चर गर्नेमा नेपाली कांग्रेस, नेकपा एमाले र माओवादी नै सबैभन्दा अगाडि देखिएका छन् ।
महोत्तरी- ३ का नेपाली कांग्रेसका उम्मेदवार रामचन्द्र तिवारीले गोली चलाउँदा एक जना घाइते भएको समाचार प्राप्त भएको छ । घटनाबारे थप जानकारी प्राप्त भएको छैन । रौतहट- ३ का माओवादी उम्मेदवार प्रभु शाहमाथि मधेशी जनअधिकार फोरमका कार्यकर्ताले आक्रमण गरी घाइते बनाएका छन् । तराई मधेश लोकतान्त्रिक पार्टीका अध्यक्ष महन्थ ठाकुर प्रत्यासी रहेको सर्लाहीको एक मतदान केन्द्रमा अहिलेपनि आपसी विवादका कारण मतदान हुन सकेको छैन ।
यी सबैका बाबजुद निर्वाचनमा मतदाताहरु उत्साहवर्धकरुपले भाग लिईरहेका छन् । मतदानमा भाग लिने महिलाहरुको संख्या अधिक देखिएको छ । बृद्धबृद्धाहरुमापनि हर्षित मुद्रामा मतदान गरिरहेका छन् । राजधानी काठमाडौंका सबैजसो मतदान केन्द्र वरिपरि ठूलो संख्यामा मतदाताहरु ओइरिएका छन् ।
सैनिक व्यारेक र माओवादी शिविरकालागिपनि मतदान केन्द्रको व्यवस्था गरिएको छ । उनीहरुले समानुपातिकतर्फको मतमात्र दिन पाउँछन् । काठमाडौंमा सैनिककालागि व्यवस्था गरिएका मतदान केन्द्रमा अधिकांस मतदाता सैनिकहरुले बार्हबजेसम्म मतदान गरिसकेको श्रोतले बताएको छ । उनीहरु पालैपालो गरी मतदानमा सरिक भैरहेका छन् ।
सेनाको हकमा व्यारेकहरु बाहिर र माओवादी सेनाको हकमा शिविर बाहिर मतदान केन्द्र स्थापना गरिएको छ । सेनाकोलागि व्यवस्था गरिएको मतदान केन्द्रमा माओवादी बुथ प्रतिनिधि बसेका छन् भने माओवादी सेनाकालागि व्यवस्था गरिएको मतदान केन्द्रमा माओवादीका अलवा नेपाली कांग्रेस, नेकपा एमाले र राप्रपाका प्रतिनिधिहरु बसेका छन् ।
जानकारी अनुसार हिमालपारिको जिल्ला मनाङ्गको नार गाविसका मतदाताहरु मतदानकालागि नभएपछि त्यहाँपनि मतदान हुन सकेको छैन । कांग्रेस, माओवादी र एमालेका उम्मेदवारमात्र रहेकॊ जिल्लाको सो गाविसमा उम्मेदवारहरु मत माग्न नपुगेको भन्दै मतदान बहिस्कार गरेका हुन् ।
सो जिल्लामा माओवादीको तर्फबाट स्थानीय विकास मन्त्री देव गुरुङ्गले र नेपाली कांग्रेसका पाल्तेन गुरुङ्गले उम्मेदवारी दिएका छन् । एमालेका उम्मेदवार मंगलबहादुर गुरुङ्गले भने माओवादीका देव गुरुङ्गलाई समर्थन गरी आफ्नो उम्मेदवारी निस्कृय बनाएका थिए । मनाङ्गका कांग्रेस उम्मेदवार गुरुङ्ग ०५६ को निर्वाचनमा निर्विरोध भएकाले १३ वर्ष ०५१ पछि त्यहाँ पहिलो पटक मतदान हुँदैछ ।
प्रधानमन्त्री गिरिजाप्रसाद कोइरालाले विराटनगरको आदर्श उच्च माविको केन्द्रमा मतदान गर्नुभएको छ । उहाँ सो मतदान केन्द्रको पहिलो मतदाता बन्नुभएको बताइएको छ । सो केन्द्र मोरङ्ग- ५ मा पर्छ जहाँ नेपाली कांग्रेसको तर्फबाट अमृत अर्याल प्रत्यासी छन् । विहान ७:५ मा उहाँले मतदान गर्नुभएको थियो । एमाले महासचिव माधव नेपालले काठमाडौं- २ को कोटेश्वरबाट मतदान गर्नुभयो । उहाँ सो क्षेत्रमा प्रत्यासी हुनुहुन्छ । उहाँले गृहजिल्ला रौतहट- ६ बाटपनि उम्मेदवारी दिनुभएको छ ।
माओवादी अध्यक्ष प्रचण्डले चितवन- ३ को भरपुरस्थित लक्ष्मी उच्चमावि केन्द्रमा विहानै मतदान गर्नुभएको छ । सो क्षेत्रमा नेकपा माओवादी बाट नारायणप्रसाद दाहाल प्रत्यासी छन् । मतदानपछि सम्बाददाताहरुसँग कुरा गर्दै अध्यक्ष प्रचण्डले आफू अत्यन्त हर्षित भएको बताउनु भयो । ३२ वर्षपछि पहिलो पटक मतदान गरेको बताउँदै प्रचण्डले संविधान सभा निर्वाचनले जनयुद्ध र जनआन्दोलनको शहीदहरुको सपना पुरा गर्ने विश्वास व्यक्त गर्नुभएको थियो । राष्ट्रिय जनशक्ति पार्टीका अध्यक्ष सूर्यबहादुर थापाले गृहजिल्ला धनकुटाको मुगा गाविसस्थित राम मावि केन्द्रमा मतदान गर्नुभएको बताइएको छ ।
यो निर्वाचनमा मतदान गर्ने सबैभन्दा बृद्ध सिन्धुली- १ का मेदिनीप्रसाद अधिकारी भएको निर्वाचन आयोगले बताएको छ । विसं १९३२ पुष २७ गते जन्मेका उनी हाल १ सय ३२ वर्ष पुगेको आयोगको भनाई छ । यसैगरी पर्वतको छैरिङ्ग गाविसको पस्रे छैरिङ्ग निमाविमा १ सय २९ वर्षीय मोहनबहादुर विकले मतदान गरेका छन् भने संखुवासभा खाँदवारीको मंगलादेवी प्रावि केन्द्रमा १ सय १३ वर्षीय डम्बर बहादुर गुरुङ्गले मतदान गरेका छन् । सिन्धुलीको रानीश्वरी मतदान केन्द्रबाट दुवै हात खुट्टा नभएका केशव श्रेष्ठ घरबाट २ घण्टा घिसि्रएर मतदान केन्द्रसम्म आई मतदान गरेको समाचार प्राप्त भएको छ ।
कडा सुरक्षाबीच नेपालको इतिहासमै पहिलो पटक हुन लागेको संविधान सभा निर्वाचनमा देशभरि कूल १ करोड ७६ लाख मतदाता, प्रत्यक्ष र समानुपातिक गरी ५५ दलका ९ हजार ६ सय उम्मेदवार प्रत्यासी छन् । ६ सय १ सदस्यीय संविधान सभाका बाँकी २६ जना मन्त्री परिषद्ले मनोनित गर्नेछ । निर्वाचन सम्पन्न गर्न २ लाख ३४ हजार कर्मचारी र १ लाख ३५ हजार सुरक्षाकर्मी खटिएका छन् भने राजनीतिक दलहरुलेपनि लाखौंको संख्यामा स्वयंसेवकहरु खटाएका छन् । देशभरि २० हजार ८ सय २० मतदान केन्द्र रहेको बताइएको छ ।
Please add yours and view our readers' comments at: Guest Book page»