www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

व्यवस्थापिका वैठक शुरु नहुँदै अवरुद्ध गर्ने धम्की

काठमाण्डौं, November 7, 2008- तिहार र छठ पर्वका कारण विगत दुई हप्तादेखि स्थगित व्यवस्थापिका संसदको वैठक शुरु हुन नपाउँदै काँग्रेस र तराई मधेश लोकतान्त्रिक पार्टीले अवरुद्ध गर्ने धम्की दिएका छन्।

कार्तिक ७ गतेदेखि बन्द रहेको वैठक २२ गते शुरु हुना साथ समय लिएर बोलेका तमलोपा सभासद ह्रदयेश त्रिपाठी र काँग्रेस सभासद रामशरण महतले सदन चल्न नदिने चेतावनी दिएका हुन् ।

नयाँ बानेश्वरस्थित अन्तराष्ट्रिय सम्मेलन केन्द्रमा विहान साढे एघार बजे वैठक शूरु हुने वित्तिकै सभासद त्रिपाठीले भने 'सत्तामा भएका दलहरुका मुख्य सचेतक र सचेतकलाई सुविधा उपलब्ध गराउने मन्त्री परिषदले निर्णय गरेको छ । यस बारेमा सरकारले भोलि विहानसम्ममा सरकारले जवाफ नदिए भोलिदेखि नै सदन अवरुद्ध गर्नैछौं ।'

उनले सेना समायोजन विशेष समिति असंवैधानिक भएकाले तत्काल विघटन गर्न माग गरे । उपराष्ट्रपतिको अभिव्यक्ति बारे माओवादी र एमालेको संयन्त्रले गरेको निर्णयसमेत आपत्ति जनक रहेको सभासद त्रिपाठीको भनाई थियो । उक्त संयन्त्रको कार्तिक २१ गतेको वैठकले सेना समायोजन विशेष समिति असंवैधानिक छ भन्ने उपराष्ट्रपतिको भनाई नै असंवैधानिक भएको ठहर गरेको थियो ।

काँग्रेस सभासद महतले त्रिपाठीकै भाषामा कब्जा गरिएका सम्पत्ति क्षतीपूर्ति सहित फिर्ता नगरीए सदन चल्न नदिने बताएका थिए । महतले १५ दिन भित्र सम्पति फिर्ता नभए बजेट पास गर्न नदिने दाबीसमेत गरे । काँग्रेसको पालामा नियुक्त भएका तीन देशका सरकारले राजदुत फिर्ता बोलाएको पनि उनले गुनासो गरे । माओवादी नेताहरुले अझै पनि सम्झौता विपरीत दोहोरो सुरक्षा लिईरहेको, संविधान सभा चुनावको बेलामा भएका नोक्सानीको क्षतीपूर्ति नपाएको उल्लेख गरे ।

उता नेकपा माओवादीका सभासद खड्गबहादुर विश्वकर्माले उपराष्ट्रपतिले दिएको अभिव्यक्तिबारे सदनमा जवाफ दिनुपर्ने बताए । सहमती र सहकार्यको राजनीति आफ्नो पार्टीले नभई काँग्रेसले तोडेको विश्वकर्माको भनाई थियो । उनले भने 'अन्तरिम संविधान संशोधन गरेर प्रतिपक्षमा रहने व्यवस्था गरेदेखि नै काँग्रेसले सहमती र सहकार्यको राजनीति तोडेको हो ।' उनले कालीकोटको नाङीकोटमा सुक्खा पहिरोबाट पिडितहरुलाई उचित राहतको व्यवस्था गर्न आग्रह गरे ।

नेकपा एमाले सभासद रविन्द्र अधिकारीले दलहरु प्रतिपक्ष र सत्तापक्ष भनेर वादविवादमा अल्झिने हो भने संविधान नै बन्न नसक्ने ठोकुवा गरे । शिक्षा क्षेत्रमा सरकारको उचित ध्यान जान नसकेको उनको भनाई थियो ।

राष्ट्रिय प्रजातन्त्र पार्टी नेपालकी सभासद कुन्ती शाहीले सेना समायोजन विशेष समितमा रहने भनिएका 'प्रमुख दल' को को हुन्‌ भन्ने स्पष्ट हुनु पर्ने बताइन्‌ ।

राष्ट्रिय जनशक्ति पार्टीका सभासद डा. प्रकाशचन्द लोहनीले सरकारले पृथ्वीनारायण नगरपालिकाको नाम गोर्खा नगरपालिका बनाएर ठूलो गल्ती गरेको दाबी गरे । उनले कसैलाई थाहै नदिई रक्षा मन्त्री रामबहादुर थापा मगर 'बादल' र सूचना तथा सन्‍चार मन्त्री कृष्णबहादुर महरा चीनको खासा भ्रमणमा गएको भन्दै यसबारे सदनमा जवाफ दिनु पर्ने बताए ।

विशेष समय लिएर बोलेका राष्ट्रिय जनमोर्चा सभासद चित्रबहादुर केसीले उपराष्ट्रपतिले हैसियत नाघेर बोलेकाले सदनमा जवाफ दिनु पर्ने धारणा राखे ।

-Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»