www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

सेनामा बढुवाका लागि प्रकृया सुरु

काठमाण्डौं, 21 Mar, 09- चार वर्षे पदावधि पुरा गरेका नेपाली सेनाका आठ सहायक रथीहरुको पदावधि नथपी अवकास पत्र दिएलगत्तै रक्षामन्त्रालयले उनीहरुको अवकासबाट रिक्त हुने स्थानहरुमा बढुवाकालागि जङ्गी अड्डाबाट फाइल माग गरेको छ ।

उपसेनानी (लेफ्टीनेन्ट) देखि महासेनानी (फुल कर्णेल) सम्मका सैनिक अधिकृतहरुको बढुवाकालागि रक्षा मन्त्रालयले जङ्गी अड्डासँग यसरी नाम माग गरेको हो । आठ सहायक रथीले अवकास पाएपछि खालि दरबन्दीमा पदपूर्ति गर्दै जाँदा सो पद भन्दा तलका दरबन्दीहरुमा पनि स्वत पद रिक्त हुँदै जान्छ ।

अब ८ जना सहायक रथी पदमा आठैजना महासेनानी बढुवा हुनेछन् भने आठ महासेनानी सहायक रथीमा बढुवा भएपछि आठै जना प्रमुख सेनानी (लेफ्टीनेन्ट कर्णेल) महासेनानीमा बढुवा हुनेछन् । त्यसपछि रिक्त हुने आठ प्रमुख सेनानीमा आठ जना सेनानी मेजर पुग्नेछन् । त्यसपछि आठ जना सेनानीको स्थान आठजना सहसेनानी (क्याप्टेन) ले लिनेछन् । त्यसपछि पालो आउनेछ आठ जना उपसेनानीको । यसरी खालि रहेको आठ स्थानमा पदपूर्ति हुँदै जानेछ । यसरी ८ जना सहायक रथीको अवकासपछि ५६ जना सैनिक अधिकृतहरुले बढुवा पाउने भएका छन् ।

जङ्गी अड्डाको सिफारिस अनुसार रक्षा मन्त्रालयले ती खालि दरबन्दीमा बढुवा गर्नेछ । विहीबार ८ जना सहायक रथीलाई अवकास दिइएलगत्तै रक्षा मन्त्रालयले दिएको यो निर्देशनले प्रधानसेनापति रुक्माङ्गद कटवाललाई अप्ठेरोमा पारेको छ । यसअघिसम्म सेनाभित्र उनको एकछत्र पकड रहेको अनुमान गरिएको थियो । तर उनी निकटका ८ जना सहायकरथीहरुलाई अवकास दिइएपछि उनी कमजोर बनेका छन् । उनी निकटका ८ जना सहायकरथीलाई अवकास दिएर उपसेनानीदेखि महासेनानीसम्मका ५६ जना अधिकृतले बढुवा पाउने भएपछि सेनाभित्र सरकारको पकडको सुरुवात हुने विश्लेषण गरिएको छ ।

श्रोतका अनुसार रक्षा मन्त्री रामबहादुर थापा 'बादल' ले हवल्दारदेखि प्रधानसेनापतिसम्मका सैनिकहरुको जन्ममिति, भर्नामिति लगायतको विवरणपनि माग गरेका छन् । नेपाली सेनासम्बन्धी सम्पूर्ण विवरण माग गरेर रक्षा मन्त्रालयले सेनाको सरुवा-बढुवा र म्याद थपमा हुने गरेका अनियमितताको अध्ययन गर्न खोजेको श्रोतको भनाई छ । 'सेना सरकार, रक्षा मन्त्रालयको मातहतमा हुने भएपनि सेनासम्बन्धी ज्ञान र डरकाकारण अहिलेसम्म सेनाको मातहतमा रक्षा मन्त्रालय हो कि भन्ने परेको थियो' रक्षामन्त्री बादल निकटस्थ एक श्रोतले भन्यो- 'अब साँच्चिकै सेनालाई सरकारको मातहतमा ल्याउने प्रकृया सुरु हुन्छ त्यसबाटमात्र सेनाको लोकतान्त्रिकरण सम्भब हुनेछ ।'

-Sitaram Baral in Kathmandu

Read our more related news: New Archive

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»