www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

यसरी भयो फेरी प्रहरीहरुको बिद्रोह:
२३ सूत्रीय माग पुरा भएमात्र बिद्रोह साम्य हुने

काठमाडौं, July 13, 2008- बाँकेको समशेरगन्‍जस्थित सशस्त्र प्रहरी गणमा विद्रोह भएको एक महिना नबित्दै नेपालगाजस्थित दंगा नियन्त्रण गण र मध्य पश्चिम क्षेत्र गुल्मका प्रहरीले बिद्रोह गरेका छन् ।

उनीहरुको विद्रोहपछि बिद्रोही प्रहरीहरुलाई नियन्त्रणमा लिनसशस्त्र प्रहरी परिचालन गरिएको छ । बिद्रोह नियन्त्रणकालागि कार्वाही भए त्यहाँ निकै ठूलो रक्तपात हुने सम्भावना बढेको छ । बिद्रोही प्रहरीहरु र बिद्रोह नियन्त्रणमा लिन गएको सशस्त्र प्रहरीको टोली दुबै आक्रमण र प्रत्याक्रमणको तैयारी अवस्थामा बसेका छन् ।

विद्रोहीमाथि कार्वाहीकालागि काठमाडौंबाट गएको 'आइलेण्डर' नामक सेनाको जासुसी जहाजले आइतबार विहान विद्रोहीद्धारा नियन्त्रित कार्यालयको आकासबाटै निरीक्षण गरेको छ । जहाजमा गृहमन्त्रालयका अधिकारीहरु रहेका थिए । विद्रोही नियन्त्रित कार्यालयसहितको क्षेत्रलाई सशस्त्र प्रहरीको तीन प्लाटुनले तीनतिरबाट घेरा हालेका छन् । दाङ्गको भालुवाङ्ग र सुर्खेतबाटपनि थप सशस्त्र प्रहरी त्यसतर्फ लागेको छ । आफूहरुविरुद्ध बढ्दो घेराबन्दपछि विद्रोही प्रहरीहरुले वरिपरिका सर्बसाधारणका घरहरुलाई समेत नियन्त्रणमा लिई आफ्नो मोर्चालाई थप सुदृढ पारेका छन् ।

प्रहरीका भेरी अन्‍चल प्रमुख र जिल्ला प्रमुखले तल्लो स्तरका प्रहरीहरुमाथि दुव्र्यवहार गर्ने गरेको, आर्थिक शोषण गरेको आरोप लगाउँदै शनिवार विहान त्यहाँका तल्लो तहका प्रहरीहरुले नियन्त्रणमा लिएका थिए । विहान ब्याडमिन्टन खेल्न गएका बेला उनीहरुलाई अकस्मात नियन्त्रणमा लिइएको थियो । विद्रोहीको नियन्त्रणमा पर्नेहरुमा भेरी अन्‍चल प्रमुख एसएसपी परशुराम खत्री, एसपी घनश्याम भट्ट, तालिम केन्द्र प्रमुख डिएसपी सुदीप आचार्य, गणप्रमुख एसपी अलिअख्तर अन्सारीलगायत ८ जना रहेको बताइएको छ । विद्रोहको नेतृत्व भने सई धनबहादुर बिकले गरिरहेका छन् ।

ब्याडमिन्टन खेलेर खाना खाइसकेपछि ८ जना प्रहरी अधिकृतहरुलाई नियन्त्रणमा लिएर प्रहरीहरुले उनीहरुसँग रहेका सेट मोवाइल फोन लगायतका सन्‍चारका साधन कब्जामा लिएका थिए । कब्जा लगत्तै उनीहरुले भ्रष्ट हाकिम मुर्दाबाद भन्दै नारावाजी र फायरिङ्गसमेत गरेको बताइएको छ । उनले माइकबाट आफूहरुमाथिको अत्याचार सीमा नाघेको बताउँदै आफ्ना २३ सूत्रीय माग पुरा भएमात्र बिद्रोह साम्य हुने बताएका थिए ।

शनिवार दिउसो र रातभरिपनि उनीहरु कब्जामा रहेका प्रहरीका अधिकृतहरुलाई नछाडेपछि गृहमन्त्रालयले विद्रोहलाई नियन्त्रणमा लिन सशस्त्र प्रहरी परिचालन गरेको हो । तर प्रहरी परिचालनाट समस्या समाधान हुने कमै सम्भावना छ । विद्रोही प्रहरीहरुले आफूहरुमाथि आक्रमण भए सशक्त प्रतिकार गरिने चेतावनी दिएका छन् । जानकारी अनुसार विद्रोही नियन्त्रित कार्यालय क्षेत्रीय दंगा नियन्त्रण कार्यालयपनि भएकाले निकै ठूलो मात्रामा हतियारको भण्डार छ । र हतियार भण्डारमासमेत विद्रोही प्रहरीहरुले नियन्त्रण कायम गरेका छन् ।

विद्रोही प्रहरीहरुको हातमा सेना र सशस्त्र प्रहरीले प्रयोग गर्दै आएको एसएलआरलगायतका आधुनिक हतियार रहेको देखिएको छ । विद्रोहको ज्वाला सशस्त्र प्रहरीभित्रपनि फैलिसकेकाले सशस्त्र प्रहरीबाट त्यो बिद्रोह नियन्त्रण हुननसक्ने सम्भावनापनि त्यत्तिकै छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»