काठमाण्डौं, November
8, 2008-
पूर्व प्रधानमन्त्री तथा नेपाली काँग्रेस सभापति गिरिजाप्रसाद
कोइरालाले लोकतान्त्रिक शक्तिले संविधान नबनाए शान्ति तथा स्थिरता असम्भव
रहेको ठोकुवा गरेका छन् ।
कार्तिक २३ गते राजधानीमा आयोजित कार्यक्रममा उनले यस्तो धारणा राखेका हुन्
। स्वर्गीय गणेशमान सिंहको ९३ औं जन्मजयन्तीको अवसरमा फोटो पत्रकारिता
पुरस्कार वितरण कार्यक्रममा कोइरालाले भने 'कुना कुनाको लोकतन्त्रवादी
मिलेर संविधान नबनाए शान्ति र स्थिरता असम्भव छ ।'
कोइरालाले संविधान निर्माण प्रकृयालाई ओझेलमा पार्न अरु नै कुरा गरेको
आरोपसमेत लगाए । तर कसले यस्तो गरीरहेको छ भन्ने कुरा भने उनले खुलाएनन् ।
काँग्रेस उपसभापति तथा गणेशमानका छोरा प्रकाशमानले गणेशमानको
क्रान्तिकारीताबाट सबैले पाठ सिक्नु पर्ने उल्लेख गरे ।
कार्यक्रममा जनआन्दोलन २०६२/६३ मा खिचिएका फोटो मध्ये दीपेन्द्र
बज्राचार्यलाई स्वर्ण पदक प्रदान गरिएको थियो ।