www.USNepalOnline.Com: Nepalese News Live from the capital of the world-New York City

News from Nepal & New York

६६ स्थानमा नेपालको सीमा मिचिएको कुरा उठाइने

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

काठमाडौँ, September 8, 2008- नेकपा माओवादीका विदेश विभाग प्रमुख सीपी गजुरेलले प्रधानमन्त्री पुष्पकमल दाहाल 'प्रचण्ड'ले भारत भ्रमणमा सन् १९५० को सन्धी पुनरावलोकनको प्रश्ताव गर्ने बताएका छन् ।

राजधानीमा भदौ २३ गते आयोजित कार्यक्रममा बोल्दै नेता गजुरेलले उनले कोशी लगायत विगतका सन्धी सम्झौता असमान भएकाले नयां परिवेशमा समानता र द्विपक्षीय हितलाई आधार मानेर सन्धी पुनरावलोकन गर्नुपर्ने बताए ।

'सन् १९५० को सन्धी र कोशी सम्झौता पुनरावलोकनबारे प्रधानमन्त्रीको भ्रमणमा छलफल हुने तय भएको छ' गजुरेलले भने 'प्रधानमन्त्रीको भ्रमण नेपाल र भारतबीचको सम्बन्धलाई नयां आधार स्थापित गर्न उपयोगी हुनेछ ।' माओवादी सचिवालय सदस्य समेत रहेका गजुरेलले कोशी सम्झौतामा नेपाल ठगिएको बताए । उनले दुवै देशलाई क्षति नहुने र फाइदा पुग्नेगरी सन्धी पुनरावलोकन हुनुपर्ने बताए ।

रिपोर्टस्र क्लब नेपालले आयोजना गरेको कार्यक्रममा बोल्दै उनले भारतसंग जोडिएको ६६ स्थानमा नेपालको सीमा मिचिएकाले त्यसबारे पनि कुरा उठाइनुपर्ने बताए । उनले भने 'नेपाल र भारतको पुरानो सम्बन्धलाई नयां रुपमा दिएर जानुको विकल्प छैन । प्रधानमन्त्रीको भ्रमण सफल र ऐतिहासिक हुन्छ ।'

उता नेपाली कांग्रेसका केन्द्रीय सदस्य डा. प्रकाशशरण महतले भारतसंग भएका सन्धी सम्झौताबारे कुनैपनि निर्णय लिनुअघि राष्ट्रिय सहमति अनिवार्य भएको बताए । नेता महतले विदेशनीतिबारे साझा अवधारणा बनाइनुपर्ने बताए । प्रमुख प्रतिपक्ष पार्टीका नेता महतले माओवादी नेतृत्वको सरकारले राष्ट्र हित अनुकूलको काम गर्नसक्नेमा शंका व्यक्त गरे ।

नेपाल भ्रमणमा रहेका भारतीय सांसदहरुका तर्फबाट डा. के. के. रावले भारतले शान्तिपूर्ण लोकतान्त्रिक र स्थिरतासहित नेपालले समृद्धि हासिल गरोस् भन्ने चाहेको बताए । प्रधानमन्त्री प्रचण्डको भ्रमणमा द्विपक्षीय हित र समयानुकूल सम्बन्ध स्थापना गर्नेबारे गम्भीर छलफल हुने बताए । उनले भने 'नयां परिवेश र परिक्षाको घडीबाट गुजि्ररहेको नेपालले शान्ति र समृद्धि हासिल गरोस् भन्ने भारतीय चाहनाअनुरुप सम्बन्ध स्थापित हुने आशा व्यक्त गर्दछु ।' आफूहरु जनता जनताबीचको सम्बन्ध सुदृढ गर्ने अभियानमा पनि लाग्ने बताए । भ्रमण दलका दुई सांसदले कोशी बांध क्षेत्रको भ्रमण गर्ने बताए । भ्रमणका क्रममा प्रधानमन्त्री प्रचण्ड, नेपाली कांग्रेसका सभापति गिरिजाप्रसाद कोइराला, विभिन्न राजनीतिक दलका नेताहरुलाई भेटेर आफूहरु उत्साही भएको बताए ।

भारतीय सांसद अल्का बलरामले दुई देशको सम्बन्ध अझ प्रगाढ हुने आशा व्यक्त गरिन् । उनले जनता र जनताबीचको सम्बन्ध विस्तारका लागि आफूहरुको भ्रमण उपयोगी सावित भएको बताइन् । भ्रमण दलका एस. सत्यनारायण रत्न वाई र झासी लक्ष्मी पनि सहभागी थिए ।

रिपोर्टस्र क्लब नेपालका अध्यक्ष ऋषि धमलाले प्रधानमन्त्री प्रचण्डको भ्रमण महत्वपूर्ण भएको बताए । उनले कूटनीतिक कुशलताबाट नेपालले अधिकतम लाभ लिनसक्नु पर्ने बताए । प्रधानमन्त्रीको भ्रमण दुई देशको सम्बन्ध विस्तारमा उपयोगी सावित हुने आशा व्यक्त गरे।

-Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»