www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

नेपालको अन्तरिम संविधान पाँचौं पटक पुन संसोधन हुने
मधेश शब्दको सट्टा 'तराई मधेश' वा 'मधेश तराई' शब्द राख्ने निर्णय

काठमाण्डौ, 15 Mar, 09- जारी भएको एक बर्षपनि नपुग्दै ३ पटक संसोधन भएको नेपालको अन्तरिम संविधान- २०६३ मा पाँचौं पटक पुन संसोधन हुने भएको छ ।

आन्दोलनरत थारु र मुस्लिम समुदायको माग पुरा गर्न संविधान संसोधन गर्ने सहमति भएको हो । संविधान संसोधनकालागि सत्तारुढ पाँच दल लगायत विपक्षी नेपाली कांग्रेस, तराई मधेश लोकतान्त्रिक पार्टी र नेपाल सद्भावना पार्टीपनि सहमत भएपछि आन्दोलनरत थारु, मुस्लिम र जनजातिहरुको आन्दोलनपनि स्थगित भएको छ ।

तराईमा बसोबास गरेपनि आफूहरु मधेशी नभएको बताउँदै तराईका आदिवासी थारुलगायत मुस्लिम र तराईमा बसोबास गर्दै आएका अन्य जनजातिहरु आन्दोलनमा उत्रेका थिए । आन्दोलनरत थरुहट संघर्ष समिति, मुस्लिम संघर्ष समितिसँग पटक पटक वार्ता भएपनि उनीहरु संविधानमा रहेको मधेश भन्ने शब्द हटाउनै पर्ने अडानमा रहेपछि पटक- पटक भएका वार्ता विफल भएका थिए । नेपालमा मधेश नभएको थरुहट संघर्ष समितिको अडान थियो ।

बुधबार मध्यरातसम्म भएको वार्तामा सरकारका तर्फबाट शान्तिमन्त्री जनार्दन शर्मा र जलश्रोतमन्त्री बिष्णु पौडेल तथा र संघर्ष समितिबीच सहमति हुन नसकेपछि आन्दोलनकारी पक्षले शान्ति मन्त्रीले नेतृत्व गरेको वार्ता टोलीको सट्टा प्रधानमन्त्रीसँगमात्र वार्ता गर्ने अडान लिएको थियो । उनीहरुको माग सम्बोधन गर्न ठूला राजनीतिक दलहरुबीच सहमति जुटाउनु पर्ने भएकाले शनिवार सत्तारुढ पाँच लगायत नेका, तमलोपा र सद्भावनासमेतको बैठक भएको थियो ।

सो बैठकले अन्तरिम संविधानको धारा १६३ मा रहेको मधेश शब्दको सट्टा 'तराई मधेश' वा 'मधेश तराई' शब्द राख्ने निर्णय गरेको छ । यो सहमति अनुसार शनिवार नै आन्दोलनरत पक्षसँग वार्ता भई सहमति गरिएको छ । आन्दोलनरत पक्षका माग पुरा गरिनुका साथै आन्दोलनमा मारिएका थरुहटका कार्यकर्ताहरुलाई शहीद घोषणा गर्ने तथा परिवारलाई क्षतिपूर्ति दिने सहमतिपनि भएको छ । शुक्रबार रातिमात्रैपनि दाङ्गमा आन्दोलनरत दुई थारु कार्यकर्ता प्रकाश चौधरी र रामप्रसाद चौधरीको प्र्रहरीको गोली प्रहारबाट मृत्यु भएको थियो ।

सहमतिपछि मुस्लिम संघर्ष समितिले आइतबारदेखि आयोजना गरेको अनिश्चितकालीन नेपाल बन्द कार्यक्रमपनि फिर्ता लिएको छ । यसैगरी थारु पक्षलेपनि आन्दोलनका सम्पूर्ण कार्यक्रम फिर्ता लिएपछि करिव दुई हप्तादेखि बन्द पूर्व पश्चिम राजमार्ग खुलेको छ ।

-Sitaram Baral in Kathmandu

Read our more related news: New Archive

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»