Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्ताहिक झटारो
हाम्रो बोली
Feature Story / News
स्थानीय खबरहरु
Local News
नेपालका खबरहरु
News from Nepal
अन्रांष्ट्रीय खबरहरु
International News
साताको अनुहार
Faces of the Week
Upcoming Events in USA
न्यूयोर्कमा आगामी कायंक्रमहरु
Upcoming Events in NYC
न्यूयोर्क शहरमा एक साँझ
An Evening Out in New York
न्यूयोर्कका नेपाली संघ-संस्थाहरु
Nepalese Orgs in NYC
न्यूयोर्कमा नेपाली ब्यावसायहरु
Nepalese Business in NYC
अमेरिकामा नेपाली संस्थाहरु
Nepalese Orgs in USA
अमेरिकामा नेपाली ब्यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
बगिंकृत विज्ञापन Classified
पाठक प्रतिकृया
Readers' Comments
पुराना कुराहरु News Archive
Audio Archive
Video Archive
बिबिध Miscellaneous
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्ताहिक Weekly
Monthly & Other Media
Nepali Online Portals
Nepali Radio / F.M. / TV
नेपाली अनलाइन् पोटंल
News from Nepal: नेपाली खबरहरु
को को कहाँ कहाँ अघी र पछि छन्?
(चैत्र २९ गते विहान 9.30 am (Nepali Time) बजेसम्मको चुनावी परिणाम)
-Sitaram Baral in Kathmandu
काठमाडौं, April 11, 2008-संविधान सभा निर्वाचनको पहिलो परिणामले नेकपा एमाले लाई नमीठो झड्का दिएको छ । पहिलो परिणाम नेपाली कांग्रेसको पक्षमा गएको छ ।
नेपाली कांग्रेसका उम्मेदवार पार्टी उपसभापति प्रकाशमान िसंहले १४ हजार ३ सय १८ हजार मत प्राप्त गरी विजय हासिल गरेको भर्खरैमात्र निर्वाचन आयोगले घोषणा गरेको छ ।
उनका प्रतिद्धन्दी एमाले स्थायी समिति सदस्य प्रदीप नेपालले ६ हजार ७ सय ८९ मत पाएका छन् । िसंह र नेपालको मतान्तर ७ हजार ५ सय २९ छ । माओवादीका प्रा. डा. राममान श्रेष्ठले ४ हजार ८ सय ३६ मत ल्याएका छन् । यसरी पहिलो पटक काठमाडौं- १ मा नेकपा एमाले पहिलोपटक भारी मतान्तरले पराजित भएको छ । विजयको घोषणापछि हजारौं कांग्रेस कार्यकर्ताहरुले जुलुश सुरु गरेका छन् । उपत्यकाभरिका कांग्रेस कार्यकर्तामा उत्साह छाएको छ भने एमालेमा निराशा ।
यही क्षेत्रबाट ०४८ को निर्वाचनमा एमालेका तत्कालिन महासचिव मदन भण्डारीले कांग्रेसका सभापति एबं अन्तरिम प्रधानमन्त्री कृष्णप्रसाद भटराईलाई पराजित गरेका थिए । दासढुङ्गा दुर्घटनामा उनको निधन भएपछि उनकी विधवा विद्या भण्डारीले फेरि दोश्रो पटक नै भटराईलाई पराजित गरेकी थिइन् । मदन भण्डारी र विद्या भण्डारीले दुईवटा निर्वाचनमा भटराईजस्ता वरिष्ठ नेतालाई यही क्षेत्रबाट हराएपछि यो क्षेत्र चर्चित बनेको थियो ।
यसैगरी ०५१ मा मनमोहन अधिकारीले काठमाडौं ३ का अलवा यस क्षेत्रबाटपनि विजय हासिल गरेकोमा त्यसपछि भएको उपनिर्वाचनमा एमालेकै नारायण ढकालले विजय प्राप्त गरेका थिए । पार्टी फुटका बाबजुद एमालेका प्रदीप नेपालले ०५६ को निर्वाचनमापनि यही क्षेत्रबाट विजय हासिल गरेका थिए । तत्कालिन मालेका महासचिव बामदेव गौतम पार्टीको तर्फबाट यही क्षेत्रमा उम्मेदवार थिए । यस हिसावले काठमाडौं- १ लाई एमालेको अभेद्य किल्ला मानिएको थियो । तर सो निर्वाचन क्षेत्रलाई गत साल पुनर्निर्धारण गरी गाउँले इलाका गरिएपछि एमालेको स्थान केही कमजोर हुने आशंका गरिएको थियो ।
यसअघिका सबै निर्वाचनमा पराजित प्रकाशमान यही बुझेर काठमाडौं- १ मा चुनाव लड्न गएका थिए । यसरी कहिल्यै चुनाव नहारेको क्षेत्रमा एमाले हारेको छ भने कहिल्यै चुनाव नजितेका प्रकाशमानले पहिलोपटक चुनाव जितेका छन् । उता काठमाडौं- १ मा अपेक्षाकृत कमजोर मानिएका माओवादीका श्रेष्ठले अहिलेसम्म ४ हजार ३ सय ८५ मत ल्याएर एमालेलाई आश्चर्यचकित पारेका छन् । खासगरी एमाले र कांग्रेसका 'भाले' हरुको भीडन्तस्थलमा माओवादीले समानुपातिक तर्फ अझै धेरै मत प्राप्त गरेको विश्वास गरिएको छ ।
प्रारम्भिक मतगणनामा एमालेले सुरक्षित क्षेत्र मानेको काठमाडौं- ४ र काठमाडौं- ५ मापनि कांग्रेसका उम्मेदवाहरु अघि देखिएका छन् भने ती माओवादीले एमालेलाई तेश्रो स्थानमा पुर्याएर माओवादी दोश्रो स्थानमा उक्लेको छ । त्यस क्षेत्रमा कांग्रेसकी सुप्रभा घिमिरेले १३ सय १५ मत पाएकी छिन् भने माओवादीका पवनमान श्रेष्ठले ६ सय ५३ र एमालेकी विद्या भण्डारीले ५ सय ५७ मत पाएकी छिन् । एमालेका स्व. महासचिव मदन भण्डारीकी विधवा विद्यालेपनि काठमाडौं १, २ बाट यसअघिका सबै निर्वाचन जितेकी थिइन् ।
काठमाडौं- ५ मा नेपाली कांग्रेसका गणतन्त्रवादी नेता नरहरि आचार्यले ११ सय ९६ मतका साथ अग्रता हासिल गरेका छन् भने माओवादीकालागि काठमाडौंभित्र सबैभन्दा कमजोर मानिएको सो क्षेत्रमा सो पार्टीका उम्मेदवार बिपेन्द्रप्रकाश महर्जनले ११ सय ८० मत ल्याएर दोश्रो स्थानमा छन् । एमालेका प्रभावशाली नेता इश्वर पोखरेल १ हजार ५७ मतका साथ तेश्रो स्थानमा छन् ।
एमालेका केन्द्रीय सदस्य रघुजी पन्तले ०५१ र ०५६ को निर्वाचनमा अत्याधिक मतका साथ बिजय हासिल गरेको ललितपुर- ३ मा माओवादीकी पम्फा भुषाल ४ हजार २ सय ६३ मतका साथ अगाडि छिन् भने दोश्रो स्थानमा नेकाका मोहनश्याम पौडेल छन् । कांग्रेसका पौडेलले २ हजार ४ सय ८७ मत पाएका छन् भने एमालेको केन्द्रीय सदस्यसमेत रहेका रघुजी पन्त २ हजार ९१ मतका साथ तेश्रो स्थानमा छन् ।
उपत्यकाभित्र सबैभन्दा बढि मतान्तरले विजयी हुने गरेको ललितपुर- २ मा नेपाली कांग्रेसका चन्द्र महर्जन अग्रपंक्तिमा छन् । उनले हालसम्म ३ हजार ३ सय ५३ मत पाएका छन् भने एमालेका सिद्धिलाल िसंहले २ हजार ५ सय २६ मत पाएका छन् । प्रारम्भिक मतगणनामा पहिलो स्थानमा रहेका माओवादीका राजकाजी महर्जन पछिल्लो समय तेश्रो स्थानमा पुगेका छन् । उनले २ हजार २ सय ११ मत प्राप्त गरेका छन् । त्यहाँको परिणाम कसको पोल्टामा पर्ने हो अझै अनिश्चित छ । त्यहाँ छिन-छिनमा माओवादी र एमालेले अग्रता हासिल गरिरहेका छन् ।
काठमाडौं- २ मा एमाले महासचिव माधव नेपाललाई माओवादीका झक्कु सुवेदीले उछिनेका छन् । सो क्षेत्रको प्रारम्भिक मतगणनामा माओवादीका सुवेदीले ४ सय ४९ मत पाएका छन् । एमाले महासचिव नेपाललाई ३ सय ६६ मत प्राप्त भएको छ भने नेपाली कांग्रेसका दीपक कुँइकेलले ३ सय ४२ मत सुरक्षित गरेका छन् ।
माओवादी अध्यक्ष प्रचण्ड प्रत्यासी बन्नुभएको काठमाडौं- १० मा भर्खर मतगणना भएको छ ।
बाँके- ३ मा नेपाली कांग्रेसका कावा सभापति सुशील कोइराला १ हजार १ सय ११ मत प्राप्तगरी अग्रस्थानमा छन् ।
सो क्षेत्रमा मधेशी जनअधिकार फोरमका सर्वदेव ओझाले ८ सय ५९, माओवादीका परमानन्द बर्माले २ सय ४६ र एमालेका समसुद्दिन सिद्धिकीले १७ मतमात्र प्राप्त गरेका छन् । सो क्षेत्रमा राप्रपाका धवल शमशेर राणाले १ सय १९ मत प्राप्त गरेका छन् ।
Please add yours and view our readers' comments at: Guest Book page»