www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

'देशको अर्थतन्त्रभित्र ४० प्रतिशत कालो धन छ'

काठमाण्डौ, 28 Jan, 09- एकजना उच्च सरकारी अधिकारीले मुलुकमा कालो धन जम्मा गर्नेहरुको संख्या उल्लेख्य रहेको सार्वजनिक खुलाशा गरेका छन् ।

मंगलबार राजधानीमा आयोजित साक्षात्कार कार्यक्रममा अर्थसचिव रामेश्वर खनालले देशको अर्थतन्त्रमा ४० प्रतिशत कालो धन रहेको खुलाशा गरेका हुन् ।

हिजो चप्पल लगाएर हिड्नेहरु आजकल रहस्यमय ढंगले कार चढेर हिड्नेमा बदलिएका छन् । गाउँमा राम्रो घर नहुनेहरु शहरमा छिरेको १० बर्ष पुग्दा नपुग्दै आलिशान बंगलाको मालिक भएका छन् । के उनीहरुले सेता धन कमाएर रातारात यस्तो हैसियत प्राप्त गरेका होलान् ?

'देशको अर्थतन्त्रभित्र ४० प्रतिशत कालो धन छ' खनालले खुलाशा गरे- 'करको दायरामा नआउने कसैलाई छाडिनेछैन, यसरी कालोधन राख्ने तर कर नतिर्नेहरुलाई छापा मारेर जेलमा हालिनेछ ।' कालो धन राख्नेहरु अदृश्य रहेको र तिनलाई खोजी खोजी कारबाही गर्न सरकार लागिसकेको बताए । करको दायरामा आउन माघ महिनाभित्र स्वयंम कर घोषणाका लागि अवसर दिइएको बताउँदै उनले स्वयंकर घोषणा नगरी कालो धन लुकाउनेहरुलाई कुनै छूट नदिने बताए ।

स्वयं कर घोषणा गर्नुपर्ने उद्योगी व्यवसायीहरुले केही विषयमा व्यक्त गरेको असन्तुष्टिमा बसेर छलफल गर्न तयार रहेको बताउँदै उनले कर नतिर्ने विद्यालयले प्रवेशिका परीक्षा एलएलसीमा सहभागी हुन नपाउने बताए । उनले भने- 'पांच प्रतिशत कर नतिर्ने विद्यालयबाट विद्यार्थीहरु एसएलसीमा सहभागी हुन पाउनेछैनन् ।' निजी बिद्यालयका मालिकहरुले भने यसको विरोध गर्दै आएका छन् ।

अन्तराष्ट्रिय बजारमा विगतको तुलनामा अत्यावश्यक वस्तुहरुको आधा मूल्य घट्दा पनि देशभित्र नघटेकाले सरकार कडा कदम चाल्ने अवस्थामा पुगेको चेतावनीपनि उनले दिएका छन् । खाने तेल, चामलको मूल्यमा विश्वभर व्यापक गिरावट आउँदा पनि नेपालमा नघटेको बताउदै उनले भने- 'तेल, चामल जस्ता अत्यावश्यक वस्तुको मूल्य नघटाएर सिन्डिकेट लागू गर्न खोजिएको छ, सरकार त्यस्ता व्यापारीविरुद्ध कडा रुपमा प्रस्तुत हुनेछ ।'

सो कार्यक्रममा उद्योगी दिवाकर गोल्छापनि थिए । उनी नेपाली कांग्रेसको तर्फबाट संविधान सभाका सदस्यसमेत हुन् । उनीतिर तिर देखाउँदै अर्थसचिवले प्रश्न गरे-'यातायातमा चािहं सिन्डिकेट लागू गर्न हुन्न भन्नुहुन्छ तर व्यापारमा चािहं सिन्डिकेट लागू गर्न मिल्छ ?' सिण्डिकेट जारी राखेर व्यापारीहरुले मूल्यबृद्धिलाई कायमै राखेको अर्थसचिव खनालको आरोप थियो ।

देशले उच्च दोहोरो अंकको आर्थिक बृद्धिदर हासिल गर्ने लक्ष्य लिएपनि अवरोध आएको बताउँदै उनले ऊर्जा संकट र लगनशीलताको कमी ठूलो चुनौती बनेको उल्लेख गरे । 'यही रफ्तारमा जाने हो भने उच्च आर्थिक बृद्धिको उद्येश्य पूरा हुनसक्दैन' खनालले भने- 'वैदेशिक लगानीप्रति विश्वास नगर्ने परिपाठीले समस्या आएको' उनको भनाई थियो- 'वैदेशिक लगानीप्रति नकारात्मक सोच राख्न छाड्ने परम्परा त्याग्नुपर्छ।'

कुनैपनि वाद र आग्रह पूर्वाग्रहभन्दा माथि उठेर विदेशी लगानीबाट ऊर्जा संकट अन्त्य गर्ने उपायमा लाग्नुपर्ने बताउँदै हप्तामा १० अर्ब नेपाली रुपियांको विदेशी मुद्रा संचिति हुँदै आएको दावीपनि उनले गरेका छन् । वैदेशिक रोजगारीबाट आउने रेमिटेन्समा पनि सकारात्मक अवस्था रहेको स्पष्ट पार्दै उनले ६२ अर्ब विदेशी सहयोग ल्याउन सकिने दाबी गरे । देशभित्र गरिने विकासको योजना अनुसार वैदेशिक रकम ल्याउन सकिने उनको कथन छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»