१५ औं क्यान इन्फोटेक तथा सूचना प्रविधि मेला माघमा
हुने
COMPUTER ASSOCIATION OF NEPAL (CAN) logo. Logo
courtesy: can.org.np
काठमाण्डौं, November 27, 2008- 'नयाँ नेपालको कोशे ढुङ्गा' भन्ने मूल
नाराका साथ १५ औं क्यान इन्फोटेक तथा सूचना प्रविधि मेला आगामी माघ १ देखि
६ गतेसम्म हुने भएको छ ।
राजधानी काठमाडौंमा हुने सो मेला नयाँ प्रविधि सम्बन्धी जानकारी दिने तथा
सूचना प्रविधि सम्बन्धी जनचेतना जगाउने उद्देश्यले आयोजना गरेको आयोजकले
जनाएको छ ।
मेलाबारे जानकारी दिन मंसिर १२ गते राजधानीमा आयोजित पत्रकार सम्मलेनमा
जानकारी गराइए अनुसार त्यहाँ एक सय ८८ स्टलहरु राखिनेछन् । कम्युटर
एसोसियसन अफ नेपाल 'क्यान'ले आयोजना गर्न लागेको सो मेलामा राष्ट्रिय तथा
अन्तराष्ट्रिय कम्पनीका प्रविधिहरु राखिने छन् ।
यस वर्ष साढे तीन लाख जनाले अवलोकन गर्ने आयोजक संस्थाको अनुमान छ ।